fbpx
Fimmtudagur 03.apríl 2025
Fréttir

Hvergerðingar langþreyttir á blæstri úr hitavatnsborholu – „Titringur svo glamrar í lögnum“

Kristinn H. Guðnason
Laugardaginn 6. janúar 2024 15:30

Borholan hefur valdið ama síðan árið 2008.

Ekki missa af Helstu tíðindum dagsins í pósthólfið þitt

Lesa nánar

Íbúar við Laufskóga og Klettahlíð í Hveragerði hafa skorað á bæjarstjórn að láta stöðva útblástur úr borholu við Klettahlíð. Mengun sé óásættanleg.

Ellefu íbúar hafa undirritað skjal sem sent var til bæjarstjórnar. Í skjalinu segir að skorað sé á bæjarstjórn Hveragerðisbæjar að sjá til þess að Veitur hætti alfarið útblæstri borholu sinnar við Klettahlíð.

„Bæjarfulltrúar allra flokka hafa lýst því yfir að starfsemi orkuvers í Ölfusdal með tilheyrandi útblæstri, mengun og hávaða sé óásættanleg í jaðri bæjarins. Því skjóti skökku við að borholublástur sé á sama tíma látinn viðgangast í íbúðarhverfum,“ segir í bréfi íbúanna.

Titringur og glamur í lögnum

Kemur þar einnig fram að borholan hafi reglulega angrað íbúa allt frá jarðskjálftaárinu 2008. Íbúar hafi ítrekað komið skriflegum og munnlegum kvörtunum á framfæri en Veitur hafi látið sem málið komi þeim ekki við.

„Þegar holan blæs fylgir henni alltaf hávaði sem nær inn um allt hús og stundum titringur svo glamrar í lögnum,“ segir í bréfinu. „Það fer svo eftir vindátt hver verður verst úti varðandi gufuna og það sem henni fylgir.“

Bent er á að algengustu vindáttirnar séu sunnan og norðanáttir. Það þýðir að gufan umlykur til skiptis hús við þessar tvær götur, Laufskóga og Klettahlíð.

Flæddi inn á lóðir

Borholan hefur ekki aðeins valdið íbúum mengun og hávaða. Árið 2011 greindi staðarmiðillinn Sunnlenska frá því að vatn hafi spýst yfir hús og flætt inn á lóðir í þessum tveimur götum.

Myndaðist þá 10 sentimetra djúp tjörn á einni lóðinni. Skemmdir hafi orðið á gróðri sem sé tryggingamál.

„Borholan er í halla fyrir ofan Klettahlíðina og rann vatnið þaðan í hálfgerðum læk. Samkvæmt upplýsingum frá Orkuveitunni var unnið að því að hreinsa og víkka út borholuna en háfur sem á að taka við vatninu hafði ekki undan og rann vatn fram hjá drenlögn með fyrrgreindum afleiðingum,“ segir í frétt Sunnlenska.

Vita af óþægindunum

Samkvæmt tilkynningum frá Veitum í gegnum árin er borholan við Klettahlíð aðeins notuð þegar álag er á hitaveitukerfinu eða vegna ákveðinna veðurskilyrða.

Veitur segja að holan sé notuð þegar álag er á kerfinu. Mynd/Veitur

„Notkun þeirrar holu fylgir ónæði og óþægindi fyrir íbúa í nærliggjandi húsum. Ákvörðun um þetta fyrirkomulag er tekin í góðri samvinnu við bæjaryfirvöld í Hveragerði. Við biðjumst velvirðingar á þeim óþægindum sem þetta kann að valda,“ sagði í tilkynningu frá því í október árið 2018 þegar grípa þurfti til þess að nota holuna um stundarsakir.

Með nýrri borholu í Ölfusdal árið 2019 átti að koma hitaveitu Hvergerðinga í viðunandi horf. Það hefur greinilega ekki tekist.

Bæjarráð Hveragerðisbæjar áframsendi bréf íbúanna til Veitna og óskaði svara við athugasemdum.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 15 klukkutímum

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“
Fréttir
Fyrir 15 klukkutímum

Mótmæla frumvarpi um rekstur líkhúsa – Sé ekkert annað en skattlagning á dánarbú

Mótmæla frumvarpi um rekstur líkhúsa – Sé ekkert annað en skattlagning á dánarbú
Fréttir
Fyrir 18 klukkutímum

Fá ekki greitt fyrir óunna yfirvinnu úr þrotabúi Skagans 3X

Fá ekki greitt fyrir óunna yfirvinnu úr þrotabúi Skagans 3X
Fréttir
Fyrir 19 klukkutímum

Fordæma seinagang mennta- og barnamálaráðuneytisins

Fordæma seinagang mennta- og barnamálaráðuneytisins
Fréttir
Fyrir 22 klukkutímum

Páll telur að enn eigi mikið eftir að gerast

Páll telur að enn eigi mikið eftir að gerast
Fréttir
Fyrir 22 klukkutímum

Evrópskir hermenn eiga að tryggja að Rússar ráðist ekki á ný á Úkraínu

Evrópskir hermenn eiga að tryggja að Rússar ráðist ekki á ný á Úkraínu