Prestafélag Íslands hyggst ekki birta nöfn þeirra 107 presta sem hafa lýst yfir stuðningi við Agnesi M. Sigurðardóttur biskup. DV er hins vegar með nafnalistann undir höndum og má finna hann hér neðst í fréttinni.

Stuðningsyfirlýsingin er í tilefni af fjölmiðlaumfjöllun um að vafi leiki á því að Agnes hafi umboð til að sitja í embætti. Skipunartími hennar rann út í lok júní, samkvæmt starfsreglum þjóðkirkjunnar um kjör biskupa. Agnes hyggst hins vegar sitja í embætti til 1. nóvember 2024 í krafti ráðningarsamnings sem hún gerði við framkvæmdastjóra Biskupsstofu, en sá aðili er undirmaður hennar. Tekist er á um hvort samningurinn standist lög.

Stuðningsyfirlýsing prestanna er örstutt:

„Vegna umræðu í fjölmiðlum undanfarna daga viljum við taka fram að við styðjum Agnesi Sigurðardóttur til að gegna embætti biskups Íslands.“

Undir yfirlýsinguna skrifa stjórnarmeðlimir Prestafélagins: Þorgrímur Daníelsson, Eva Björk Valdimarsdóttir, Jón Ómar Gunnarsson, Anna Eiríksdóttir, Oddur Bjarni Þorkelsson, Jónína Ólafsdóttir og Þráinn Haraldsson.

Ályktunin var borin undir alla meðlimi félagsins á Facebook-síðu þess og þeim boðið að styðja hana. Facebook-færslan var eftirfarandi:

„Kæru kollegar:

„Vegna fjölmiðlaumræðu síðustu daga um stöðu biskups Íslands höfum við undirrituð samið ályktun sem hér fer á eftir. Hún tekur ekkert á þeim lögfræðilegu álitamálum sem kunna að vera til staðar enda erum við ekki lögfræðingar. Hér er um að ræða einfalda stuðningsyfirlýsingu við biskup Íslands. Það er von okkar að við getum sem flest sameinast um þessa yfirlýsingu, sem við hyggjumst birta opinberlega við fyrsta tækifæri. Ef þið viljið styðja þessa ályktun biðjum við ykkur um að læka þessa færslu OG SKRIFA Í UMMÆLUM t.d. „Samþykkt“ eða „Stutt“ eða eitthvað slíkt.“

Óhætt er að segja að viðbrögðin hafa verið góð en 107 prestar hafa lýst yfir stuðningi við ályktunina. Starfandi prestar í landinu munu vera upp undir 130.

„Við styðjum hana til að vera biskup, það er bara svoleiðis“

DV hafði samband við Þorgrím Daníelsson, formann Prestafélags Íslands, og spurði hvort til stæði að birta nöfn allra prestanna sem lýst hafa yfir stuðningi við Agnesi biskup með þessum hætti. Þorgrímur segir að það verði ekki gert þar sem yfirlýsingin sé í raun á vegum stjórnar félagsins:

„Það er í raun stjórn prestafélagsins sem gefur út þessa yfirlýsingu. Hins vegar þá leituðum við álits félagsmanna og ég held að það séu 128 starfandi prestar og það eru um 100 búnir að lýsa yfir stuðningi við þetta. Þetta er semsagt ályktun stjórnar en hún var borin undir félagsmenn og ekki send á fjölmiðla fyrr en við vissum  að það væri öruggur meirihluti fyrir þessu. Einu nöfnin sem ættu að fara undir þetta eru stjórnarmenn.“

DV spurði hvort félagið væri í raun ekki að taka afstöðu til lögfræðilegu álitamálanna þegar birt er stuðningsyfirlýsing af því tilefni sem hér er raunin, þ.e. umboð biskups hefur verið dregið í efa.

„Punkturinn er að við erum ekki lögfræðingar,“ segir Þorgrímur. „Það væri ákaflega heimskulegt af mér að tjá mig um lögfræðihlið málsins. Ég ber ekkert skynbragð á hana. Við styðjum hana til að vera biskup, það er bara svoleiðis.“

Þorgrímur vill hins vegar beita sér fyrir því að lagarammi utan um biskupskjör og skipunartíma biskups verði skýrari. „Það er mjög óheppilegt að lagaramminn sé þannig að ekki er ljóst hvað er rétt og hvað er rangt. Mín persónulega skoðun er sú að Kirkjuþing eigi að koma saman og eyða allri óvissu. Ég held að Kirkjuþing hafi fullt vald til þess að setja starfsreglur og mín skoðun er sú að það eigi að koma saman og eyða allri óvissu í þessu máli.“

Vill stjórnarskrá fyrir Þjóðkirkjuna

„Hvernig væri að vera með skýrar reglur?“ segir Þorgrímur enn fremur og segir að kirkjan þurfi að koma sér upp stjórnarskrá. Regluverk hennar áður en lögum um Þjóðkirkjuna var breytt hafi verið ígildi stjórnarskrár:

„Ég er þeirrar skoðunar að regluverk í lögunum fram til 1997 hafi virkað sem stjórnarskrá kirkjunnar. Mín skoðun er sú að kirkjan þurfi að koma sér upp stjórnarskrá, einföldu grundvallarregluverki sem menn geta þekkt og farið eftir. Eitthvað sem er ekki hægt að breyta með afbrigðum á Kirkjuþingi á einum sólarhring.“

Nöfn þeirra sem styðja biskup

Þess má geta að af þeim 107 prestum sem lýst hafa yfir stuðningi við biskup með áðurnefndum hætti eru 10 þeirra Kirkjuþingsfulltrúar tímabilið 2022 til 2026. Eru það 10 af 12 fulltrúum Kirkjuþings. En nafnalisti þeirra sem hafa lýst yfir stuðningi við biskup er eftirfarandi:

Stjórn P.Í. ásamt varamönnum samþykkti ályktunina einróma:

Þorgrímur Daníelsson, formaður.

Eva Björk Valdimarsdóttir, varaformaður.

Jón Ómar Gunnarsson

Anna Eiríksdóttir

Oddur Bjarni Þorkelsson

Jónína Ólafsdóttir

Þráinn Haraldsson

Ályktunina samþykktu:

María Rut Baldursdóttir

Guðni Már Harðarson

Sigríður Rún Tryggvadóttir

Sveinn Valgeirsson

Svavar Alfreð Jónsson

Steinunn Arnþrúður Björnsdóttir

Guðný Hallgrímsdóttir

Magnús Erlingsson

Elína Hrund Kristjánsdóttir

Ólöf Margrét Snorradóttir

Arnór Bjarki Blomsterberg

Sindri Geir Óskarsson

Sigríður Gunnarsdóttir

Sigrún Óskarsdóttir

Kristín Þórunn Tómasdóttir

Jóhanna Gísladóttir

Hildur Inga Rúnarsdóttir

Sólveig Lára Guðmundsdóttir

Helga Soffía Konráðsdóttir

Bryndís Böðvarsdóttir

Helga Kolbeinsdóttir

Gunnar Einar Steingrímsson

Pétur Ragnhildarson

Ninna Sif Svavarsdóttir

Guðrún Karls Helgudóttir

Helga Bragadóttir

Sigurður Grétar Sigurðsson

Ingimar Helgason

Bryndís Valbjarnardóttir

Arna Grétarsdóttir

María Guðrúnardóttir Ágústsdóttir

Magnús Magnússon

Fjölnir Ásbjörnsson

Stefanía Steinsdóttir

Sunna Dóra Möller

Sigurður Arnarson

Edda Hlíf Hlífardóttir

Þuríður Björg Wiium Árnadóttir

Hans Guðberg Alfreðsson

Vigfús Bjarni Albertsson

Sigríður Munda Jónsdóttir

Arna Ýrr Sigurðardóttir

Sigurður Már Hannesson

Alfreð Örn Finnsson

Sighvatur Karlsson

Jóhanna Magnúsdóttir

Gylfi Jónsson

Arndís G. Bernharðsdóttir Linn

Jarþrúður Árnadóttir

Karen Lind Ólafsdóttir

Margrét Lilja Vilmundardóttir

Gunnar Jóhannesson

Axel Á. Njarðvík

Halla Rut Stefánsdóttir

Sigfús Kristjánsson

Dagur Fannar Magnússon

Jón Ragnarsson

Hildur Björk Hörpudóttir

Ægir Örn Sveinsson

Erla Guðmundsdóttir

Sigurður Kr. Sigurðsson

Sólveig Halla Kristjánsdóttir

Brynja Vigdís Þorsteinsdóttir

Sigurður Grétar Helgason

Matthildur Bjarnadóttir

Grétar Halldór Gunnarsson

Ásta Ingibjörg Pétursdóttir

Ása Laufey Sæmundardóttir

Ragnheiður Jónsdóttir

Snævar Jón Andrjesson

Magnús Gunnarsson

Ingólfur Hartvigsson

Bjarni Karlsson

Þóra Björg Sigurðardóttir

Hjalti Jón Sverrisson

Aldís Rut Gísladóttir

Guðmundur Örn Jónsson

Sigríður Kristín Helgadóttir

Bára Friðriksdóttir

Karen Hjartardóttir

Viðar Stefánsson

Halldóra J. Þorvarðardóttir

Ragnheiður Karítas Pétursdóttir

Þórey Guðmundsdóttir

Hafdís Davíðsdóttir

Irma Sjöfn Óskarsdóttir

Óskar Hafsteinn Óskarsson

Guðbjörg Arnardóttir

Inga Harðardóttir

Ólafur Jóhann Borgþórsson

Jón Ármann Gíslason

Gísli Jónasson

Karl V. Matthíasson

Guðni Ólafsson

Þorvaldur Víðisson

Bragi J. Ingibergsson

Valdimar Hreiðarsson

Árni Þór Þórsson

Elínborg Gísladóttir

Eysteinn Orri Gunnarsson

Af þeim sem styðja biskup eru eftirfarandi 10 Kirkjuþingsfulltrúar af 12:

Arna Grétarsdóttir

Axel Árnason Njarðvík

Eva Björk Valdimarsdóttir

Guðni Már Harðarson

Hildur Inga Rúnarsdóttir

Jóhanna Gísladóttir

Magnús Erlingsson

Sigurður Grétar Sigurðsson

Þuríður Björg Wiium Árnadóttir

Uppfært kl. 13  – fleiri nöfn bæst við: 

Tvö ný nöfn hafa bæst við stuðningsfólk Agnesar. Tveir prestar til viðbótar hafa lýst yfir stuðningi við ályktun stjórnar Prestafélags Íslands: Jóna Kristín Þorvaldsdóttir  og Kjartan Jónson.

Uppfært kl. 13:30 – eitt nafn í viðbót

109. presturinn bættist við stuðningslista Agnesar upp úr hádegi í dag. Það er séra Bjarni Þór Bjarnason.