Lögreglan hafði í nægu að snúast á næturvaktinni. Í hverfi 101 var tilkynnt um vopnað rán en þar ógnaði einstaklingur  vegfaranda með hníf og krafði hann um fjármuni, málið er  í rannsókn. Tilkynnt var um eignaspjöll við grunnskóla og  eignaspjöll utan á íbúðarhúsnæði í hverfi 107 en á það hafði verið skvett rauðum matarlit. Einstaklingur sem svaf ölvunarsvefni utandyra var vakinn og gekk hann sína leið. Einstaklingur var handtekinn grunaður um líkamsárás í hverfi 101. Tilkynnt um í tveimur aðskildum tilvikum um ofurölvi einstaklinga á veitingastað og á skemmtistað í hverfi 101. Í báðum tilvikum var viðkomandi ekið til síns heima. Þó nokkrir ökumenn voru stöðvaðir grunaðir um akstur undir áhrifum áfengis og eða annarra vímuefna.

Ökumanni bifreiðar voru gefin merki um að stöðva bifreið sína sem hann sinnti ekki og ók hann gegn rauðu umferðarljósi. Stöðvaði hann svo bifreið sína og reyndi að komast undan lögreglu á hlaupum en náðist stuttu síðar. Er ökumaður grunaður um akstur bifreiðarinnar undir áhrifum áfengis og/eða annarra vímuefna og gistir fangageymslur þar til unnt er að ræða við hann.

Afskipti voru höfð af ökumanni sem ók á móti umferð í hverfi 109. Ökumaður reyndist vera 16 ára og málið unnið í samráði við foreldra og barnaverndaryfirvöld. Nokkrum verkefnum var sinnt þar sem kvartað var undan samkvæmishávaða í íbúðarhúsnæðum.

Tilkynnt var um umferðaróhapp þar sem bifreið var ekið á nokkrar bifreiðar. Tjónvaldur grunaður um akstur undir áhrifum áfengis og/eða vímuefna og gistir fangageymslur lögreglu þar til af honum rennur víman.

Ökumaður bifreiðar var stöðvaður grunaður um akstur undir áhrifum vímuefna. Reyndist hann auk þess án ökuréttinda. Tveir ökumenn voru stöðvaðir grunaðir um akstur undir áhrifum áfengis.Ökumaður bifreiðar stöðvaður grunaður um akstur undir áhrifum áfengis og vímuefna.