Lögregla rannsakar nú árás hóps 13 til 16 ára unglinga á 13 ára dreng. Árásin átti sér stað um tvöleytið í gær. Gögn af samfélagsmiðlum sýna að árásin var undirbúin með hópmyndun.

Drengurinn nefbrotnaði og hlaut höfuðhögg í árásinni. Samkvæmt heimildum DV rannsakar lögreglan málið sem líkamsárás, rán og kynferðisbrot en árásarmennirnir rændu snjallsíma drengsins og reyndu að girða niður um hann buxurnar.

Samkvæmt heimildum DV er kjarni árásarmannanna nemendur við Álftamýrarskóla og árásin er talin vera hluti af langvarandi eineltisvandamálum við skólann. Drengurinn sem varð fyrir árásinni er fyrrverandi nemandi við skólann en þurfti að hætta námi þar vegna eineltis, sem að sögn aðstandenda var ekki brugðist við af hálfu skólans.

Þolandinn var leiddur á vettvang árásarinnar sem var tekin upp á myndband. Sem fyrr segir er talið að árásin hafi verið vandlega undirbúin.

Heimildir DV herma að lögreglan taki málið mjög alvarlega og er kraftur í rannsókninni.

Myndbönd af ofbeldinu hafa verið í dreifingu. Hér að neðan birtist aðeins brot af myndefninu og hefur það gerið gert ópersónugreinanlegt. Myndbönd sýna að drengurinn var meðal annars sleginn niður í jörðina.

Óhugnanleg árás