fbpx
Mánudagur 17.mars 2025
Fréttir

Spyr hvort kynhvöt kvenna hafi áhrif á afstöðu þeirra til innflytjendamála

Ritstjórn DV
Mánudaginn 20. febrúar 2023 05:20

Sýrlenskir flóttamenn. Mynd:Wikimedia Commons/ Mstyslav Chernov

Ekki missa af Helstu tíðindum dagsins í pósthólfið þitt

Lesa nánar

Hefur kynhvöt kvenna áhrif á afstöðu þeirra til innflytjendamála? Þessari spurningu varpaði Mikael Jalving, sagnfræðingur, samfélagsrýnir og rithöfundur, nýlega fram í grein í Jótlandspóstinum.

Í greininni færði Jalving rök fyrir því að í sögulegu ljósi hafi konur viljað slaka á útlendingalöggjöfinni vegna ómeðvitaðra kynferðislegra langana eftir körlum frá öðrum heimshlutum en Vesturlöndum.

„Það eru að stórum hluta kvenkynskjósendur og stjórnmálamenn sem hafa ýtt undir og varið aukinn innflutning á fólki frá aðallega Norður-Afríku og Miðausturlöndum. Það eru að minnsta kosti þær sem hafa í miklum mæli kosið þá flokka sem hafa sett þetta ólán af stað,“ skrifaði hann og staðhæfði í lokin að „yfirþyrmandi og sterk karlmennska þeirra hafi verið of lokkandi“.

Eflaust reka margir upp stór augu við að lesa skrif af þessu tagi og það gerðu stjórnendur Frihedsbrevet einnig og hringdu því í hann og spurðu hann hvaðan hann hefði þessar upplýsingar. Svarið var að þetta kæmi meðal annars úr „erótískum sögum í Femina“ en síðar kom í ljós að tímaritið birtir ekki lengur slíkar sögur. Einnig sagðist hann hafa aflað sér þessarar vitneskju á „hálflangri lífsleiðinni“.

Jótlandspósturinn leitaði svara hjá Michael Bang Petersen, prófessor í stjórnmálafræði við Árósaháskóla um hvað rannsóknir segja um tengsl kynhvatar og stjórnmálaskoðana.

Hann sagði vitað að tengsl séu á milli viðhorfs til kynlífs og stjórnmálaskoðana en ekki eins og Jalvig stilli því upp. „Það eru almennt séð tengsl á milli þess að vera opinn fyrir því að eiga marga rekkjunauta og að hafa vinstrisinnaðar stjórnmálaskoðanir. Ef maður hallast að því að laðast að mörgum hefur maður tilhneigingu til að vera vinstrisinnaður,“ sagði hann.

Hann sagði ekki líklegt að kynferðislegt aðdráttarafl karla af framandi uppruna  hafi áhrif á skoðun fólks á innflytjendamálum. Ekki sé mikið um rannsóknir sem hafi sýnt fram á þetta. Þær sýni það gagnstæða, að fólk, sem tilheyrir hópum sem eru taldir öðruvísi, geti virkjað óttakerfi fólks.

Hann sagðist ekki vita til þess að neitt styðji þá kenningu að mýkri afstaða kvenna til innflytjendamála tengist kynferðislegri löngun þeirra eftir körlum frá löndum utan Vesturlanda.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Óhugnaður í friðsælu hverfi: Móðir og sonur numin á brott á Gran Canaria í tengslum við þjófnað á 600 kg af kókaíni

Óhugnaður í friðsælu hverfi: Móðir og sonur numin á brott á Gran Canaria í tengslum við þjófnað á 600 kg af kókaíni
Fréttir
Fyrir 2 dögum

Landsréttur staðfestir fangelsisdóm yfir Gabríel Aron fyrir hryllingsárásina í Hafnarfirði

Landsréttur staðfestir fangelsisdóm yfir Gabríel Aron fyrir hryllingsárásina í Hafnarfirði
Fréttir
Fyrir 2 dögum

Áhrifavaldi sparkað úr landi eftir þetta uppátæki sitt

Áhrifavaldi sparkað úr landi eftir þetta uppátæki sitt
Fréttir
Fyrir 2 dögum

Manndrápsmálið: Ekkert heyrst um að hinn látni hafi sóst eftir kynnum við börn – Glímdi við erfið veikindi

Manndrápsmálið: Ekkert heyrst um að hinn látni hafi sóst eftir kynnum við börn – Glímdi við erfið veikindi
Fréttir
Fyrir 2 dögum

Trausti sár út í Sönnu – „Mér fannst eins og þú tækir ekki mark á því sem ég væri að segja“

Trausti sár út í Sönnu – „Mér fannst eins og þú tækir ekki mark á því sem ég væri að segja“
Fréttir
Fyrir 2 dögum

Fast sótt að Ásthildi Lóu: „Steininn tekur úr þegar hún lætur svona ummæli falla“

Fast sótt að Ásthildi Lóu: „Steininn tekur úr þegar hún lætur svona ummæli falla“