fbpx
Fimmtudagur 03.apríl 2025
Fréttir

Par handtekið í Leifsstöð með 28 þúsund evrur á sér – Getur varðað 6 ára fangelsi

Kristinn H. Guðnason
Miðvikudaginn 27. desember 2023 13:00

Fólkið hafði falið féð í farangri sínum og gat ekki gert grein fyrir uppruna þess.

Ekki missa af Helstu tíðindum dagsins í pósthólfið þitt

Lesa nánar

Maður og kona með tvöfalt ríkisfang hafa verið ákærð fyrir peningaþvætti eftir að þau voru handtekin í Leifsstöð með mikið magn peningaseðla. Ekki hefur tekist að birta þeim ákæruna.

Fólkið heitir Mohammed Musah, 43 ára, og Petra Anarfo, 21 árs, bæði með ítalskt og ganverskt ríkisfang.

Reiðuféð haldlagt

Þau voru handtekin í Leifsstöð þann 1. maí síðastliðinn þegar þau voru á leið í flug til ítölsku borgarinnar Mílanó.

Höfðu þau alls 28.180 evrur meðferðis í reiðufé, sem gera um 4,25 milljónir íslenskra króna. 18.160 evrur voru faldar í farangri Mohammeds en 10.020 evrur faldar í farangri Petru. Var reiðuféð haldlagt af Lögreglustjóranum á Suðurnesjum.

Augljóslega ávinningur brota

Eru þau ákærð fyrir að hafa, í félagi, tekið við peningunum frá 28. apríl til 1. maí frá óþekktum einstakling eða einstaklingum. Hafi þeim ekki geta dulist að um væri að ræða ávinning af refsiverðum brotum.

„Með háttsemi sinni móttóku ákærðu ávinning af refsiverðum brotum, geymdu ávinninginn, fluttu og leyndu ávinningnum og upplýsingum um uppruna, eðli, staðsetningu og ráðstöfun hans,“ segir í fyrirkalli og ákæru sem birt voru í Lögbirtingablaðinu í dag. En ekki hefur tekist að birta þeim ákæruna með öðrum hætti því ekki er vitað hvar þau dvelja.

Getur varðað 6 ára fangelsi

Eru Mohammed og Petra ákærð fyrir peningaþvætti að ásetningi sem er brot sem getur varðað allt að 6 ára fangelsi. Til vara eru þau ákærð fyrir peningaþvætti af gáleysi, sem getur varðað allt að 6 mánaða fangelsi.

Lögreglustjórinn á Suðurnesjum krefst þess að þau verði dæmd til refsingar og greiðslu alls sakarkostnaðar. Þá er þess einnig krafist að reiðuféð sem haldlagt var verði gert upptækt og sett á vörslureikning lögreglustjórans.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 16 klukkutímum

Svartir dagar hjá starfsfólki Kamba – Sjötíu sagt upp og fengu ekki greidd laun um mánaðamótin

Svartir dagar hjá starfsfólki Kamba – Sjötíu sagt upp og fengu ekki greidd laun um mánaðamótin
Fréttir
Fyrir 16 klukkutímum

Gufunesmálið: Þrír sitja núna í gæsluvarðhaldi

Gufunesmálið: Þrír sitja núna í gæsluvarðhaldi
Fréttir
Fyrir 18 klukkutímum

Vilja kanna jarðgangagerð í Reykjavík

Vilja kanna jarðgangagerð í Reykjavík
Fréttir
Fyrir 19 klukkutímum

Litáískur barnaníðingur kom sér undan refsingu með því að koma til Íslands – Neitar nú að fara aftur heim

Litáískur barnaníðingur kom sér undan refsingu með því að koma til Íslands – Neitar nú að fara aftur heim
Fréttir
Fyrir 23 klukkutímum

Maður lést í slysinu á Reykjanesbraut í gær

Maður lést í slysinu á Reykjanesbraut í gær
Fréttir
Fyrir 23 klukkutímum

Skutu hart á meirihlutann fyrir bókun gegn hækkun veiðigjalda – Stórútgerðin hafi rústað starfsemi í sjávarplássunum

Skutu hart á meirihlutann fyrir bókun gegn hækkun veiðigjalda – Stórútgerðin hafi rústað starfsemi í sjávarplássunum
Fréttir
Í gær

Skefur ekki utan af hlutunum – „Við getum ekki treyst Bandaríkjunum“

Skefur ekki utan af hlutunum – „Við getum ekki treyst Bandaríkjunum“
Fréttir
Í gær

Er tollastríð Trump bara byrjunin á stórri áætlun? – Mar-a-Lago-áætlunin

Er tollastríð Trump bara byrjunin á stórri áætlun? – Mar-a-Lago-áætlunin