fbpx
Þriðjudagur 16.júlí 2024
Fréttir

Auglýsingar GS Búllunar um nikótínvörur ólöglegar

Kristinn H. Guðnason
Fimmtudaginn 21. desember 2023 12:45

GS Búllan hefur fjórar vikur til að taka niður auglýsingarnar.

Ekki missa af Helstu tíðindum dagsins í pósthólfið þitt

Lesa nánar

Neytendastofa hefur úrskurðað að auglýsingar GS Búllunar séu ólöglegar. Verslunin, sem er frá Akureyri en hefur nýlega opnað útibú í Reykjavík, selur nikótínpúða og rafrettur.

Í úrskurði Neytendastofu, sem birtur var í dag, segir að GS Búllan hafi brotið lög um nikótínvörur, rafrettur og áfyllingar fyrir rafrettur og lög um eftirlit með viðskiptaháttum og markaðssetningu, með auglýsingum sínum á samfélagsmiðlum, á heimasíðu sinni gsbullan.is og framan á verslun sinni.

Smáa letrið sést illa

Auglýsingarnar eru meðal annars myndir og myndbönd sem sýna nikótínvörur með hvetjandi lýsingum um vinsældir þeirra. Einnig hlekkir sem leiða inn á umræddar vörur. Telur Neytendastofa engu skipta hvort að vörurnar séu í forgrunni eða bakgrunni auglýsinganna.

Lýsingarnar eru meðal annars „bragðast vel“, „ferskt“, „sparaðu þér núna“ og „ein af okkar vinsælustu vörum.“

„Þá er niðurstaða stofnunarinnar að dósir framan á verslun félagsins brjóti gegn auglýsingabanni nikótínvara. Þrátt fyrir að dósirnar séu merktar sem „nikótín lausar“ sé letrið svo smátt að það sjáist varla fyrr en komið er upp að versluninni. Hins vegar sjáist greinilega nafn framleiðanda vörunnar sem býður breytt úrval af púðum með nikótíni í sambærilegum umbúðum,“ segir í tilkynningu Neytendastofu með úrskurðinum.

Kynntu sér reglurnar ekki nógu vel

Forsvarsmenn GS Búllunnar sögðu í tölvupósti að þeir hefðu mögulega ekki kynnt sér nægilega vel hvernig megi og megi ekki auglýsa nikótínvörur. Þeir hefðu á undanförnum árum séð aðrar verslanir auglýsa á samfélagsmiðlum, svo sem Facebook, Instagram og TikTok. Töldu þeir sig ekki vera að brjóta lög þar sem verið væri að auglýsa hjá erlendum aðila.

Hefur Neytendastofa bannað GS Búllunni að viðhafa þessa viðskiptahætti frá og með deginum í dag og hefur verslunin fjórar vikur til þess að fjarlægja auglýsingarnar. Verði það ekki gert megi verslunin búast við sektum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 20 klukkutímum

Íslendingur fannst látinn á Spáni

Íslendingur fannst látinn á Spáni
Fréttir
Fyrir 20 klukkutímum

Bæjarfulltrúi Sjálfstæðisflokksins styður ekki Coda Terminal verkefnið við Vellina – Þyrfti aðkomu minnihlutans til að koma málinu í gegn

Bæjarfulltrúi Sjálfstæðisflokksins styður ekki Coda Terminal verkefnið við Vellina – Þyrfti aðkomu minnihlutans til að koma málinu í gegn
Fréttir
Fyrir 2 dögum

Gangandi fólk kemst ekki lengur eftir gangstéttum í Norðurmýri – Bílastæðavandinn mikill

Gangandi fólk kemst ekki lengur eftir gangstéttum í Norðurmýri – Bílastæðavandinn mikill
Fréttir
Fyrir 2 dögum

Harmleikur í hitabylgju – Gleymdi tveggja ára dóttur sinni úti í bíl með hræðilegum afleiðingum

Harmleikur í hitabylgju – Gleymdi tveggja ára dóttur sinni úti í bíl með hræðilegum afleiðingum
Fréttir
Fyrir 3 dögum

Hlaut lífstíðarfangelsi fyrir ráðabrugg um að nauðga og drepa eina skærustu sjónvarpsstjörnu Breta

Hlaut lífstíðarfangelsi fyrir ráðabrugg um að nauðga og drepa eina skærustu sjónvarpsstjörnu Breta
Fréttir
Fyrir 3 dögum

Guðmundur Ingi segir verið að hafa almenning að fíflum

Guðmundur Ingi segir verið að hafa almenning að fíflum