fbpx
Fimmtudagur 03.apríl 2025
Fréttir

Ísraelskir borgarar segja frá hvernig var að vera gíslar Hamas – „Ég svaf ekki í 49 daga“

Ritstjórn DV
Mánudaginn 11. desember 2023 16:30

Itay Regev og Maya Regev sögðu frá því hvernig var að vera í gíslingu Hamas. Skjáskot/Youtube

Ekki missa af Helstu tíðindum dagsins í pósthólfið þitt

Lesa nánar

Þeir ísraelsku borgarar sem voru teknir í gíslingu Hamas-samtakanna þann 7. október síðastliðinn en hefur nú verið sleppt hafa sumir hverjir sagt sögu sína. Þeir greina meðal annars frá hungri, litlum svefni og gríðarlegum ótta. Sum líktu gíslingunni við helvíti.

Skynews greinir frá þessu.

Myndbönd með frásögnum fólksins voru spiluð á mótmælafundi í Tel Aviv síðastliðinn laugardag. Á fundinu var þess krafist að þeir 130 gíslar sem enn eru í haldi Hamas verði látnir lausir.

Meðal þeirra sem sögðu sögu sína eru systkinin Itay og Maya Regev en þau voru gestir á Supernova tónlistarhátíðinni en Hamas liðar skutu yfir 350 gesti hátíðarinnar til bana.

Systkinin voru hins vegar bæði tekin í gíslingu og haldið á sitt hvorum staðnum þar til þau voru látin laus í lok nóvember.

Itay segir að hver dagur hafi verið heila eilífð að líða. Hann lýsir hungri, söknuði eftir fjölskyldu sinni og erfiðleikum við að höndla þær erfiðu aðstæður sem hann stóð frammi fyrir.

Systir hans, Maya, bætti við:

„Hver dagur þarna var eins og helvíti. Mikill ótti, enginn svefn. Á nóttunni varð þráin gríðarleg og það að vita ekki var bara ógnvekjandi.“

Margalit Moses sem er 78 ára og hefur lifað af krabbamein var einnig meðal þeirra sem sögðu frá. Hún sagði að einn gíslatökumannanna hefði tekið af sér súrefnistank sem hún þarf að nota:

„Ég gat andað en ég gat ekki sofið. Ég svaf ekki í 49 daga.“

Hún sagði það hafa verið óbærilegt að vera í gíslingu í neðanjarðargöngum Hamas á Gaza og það yrði að ná þeim gíslum sem enn væru þar til baka.

Ofelia Rutman er 77 ára en Hamas liðar rændu henni en hún sat á dráttarvél á samyrkjubúinu þar sem hún býr:

„Ég var hrædd fyrstu tvær vikurnar. Ég var nánast alfarið án ljóss og matar. Þetta minnti mig á Helförina. Ég át sneiðar af pítu og geymdi þær svo ég hefði eitthvað að borða daginn eftir.“

Hún kallaði eftir því að allt sem mögulegt er verði gert til að frelsa þá gísla sem enn eru í haldi Hamas:

„Einn dagur þarna er eins og heil vika.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 15 klukkutímum

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“
Fréttir
Fyrir 15 klukkutímum

Mótmæla frumvarpi um rekstur líkhúsa – Sé ekkert annað en skattlagning á dánarbú

Mótmæla frumvarpi um rekstur líkhúsa – Sé ekkert annað en skattlagning á dánarbú
Fréttir
Fyrir 18 klukkutímum

Fá ekki greitt fyrir óunna yfirvinnu úr þrotabúi Skagans 3X

Fá ekki greitt fyrir óunna yfirvinnu úr þrotabúi Skagans 3X
Fréttir
Fyrir 19 klukkutímum

Fordæma seinagang mennta- og barnamálaráðuneytisins

Fordæma seinagang mennta- og barnamálaráðuneytisins
Fréttir
Fyrir 22 klukkutímum

Páll telur að enn eigi mikið eftir að gerast

Páll telur að enn eigi mikið eftir að gerast
Fréttir
Fyrir 22 klukkutímum

Evrópskir hermenn eiga að tryggja að Rússar ráðist ekki á ný á Úkraínu

Evrópskir hermenn eiga að tryggja að Rússar ráðist ekki á ný á Úkraínu