Allt að 53% skrifstofustarfsfólks íhugar að færa sig yfir í svokallaða „Hybrid-vinnu“, sem felur í sér að það vill eiga kost á að vinna þar sem því hentar, hvort sem það er heima, á kaffihúsi eða á skrifstofunni. Þessi þróun hefur orðið til þess að fólk eyðir orðið miklu meiri tíma í videó-samtöl, að því fram kemur í nýrri könnun. 

„Vandinn er hins vegar sá að margir eru enn með heyrnartól sem henta fyrst og fremst fyrir afþreyingu og sárvantar flotta vinnugræju sem virka fyrir tölvusímtöl (softphone) og búa yfir góðri hljóðeinangrun,“ segir Gísli Þorsteinsson vörustjóri Poly hjá Opnum kerfum.

Fyrirtæki hvetja til sveigjanleika í vinnu 

Í könnun tölvuframleiðandans HP kemur fram að sífellt fleiri fyrirtæki hvetji starfsfólk sitt til þess að nýta sér þann sveigjanleika sem er í boði; hvort sem það er „hybrid-vinna“ eða fjarvinna. Um leið er lögð aukin áhersla á að bjóða heyrnartól sem hægt er að nota fyrir símtöl í gegnum tölvu eða síma og að þau séu með virka hljóðeinangrun og styðji við helstu fjarfundalausnir eins og Teams, Zoom eða Google.

Vilja líta vel út á kaffihúsum 

„Starfsfólk eyðir orðið töluvert lengri tíma í myndsímtöl og er umhugað um að gæði símtala, myndsímtala og hljóðs séu eins góð og kostur er. Þá skiptir útlit búnaðar ekki síður afar miklu máli eftir því sem fólk eyðir meiri tíma í slíka vinnu,“ segir Gísli. „Það vill líta vel út með vinnuheyrnartólin þegar það mætir á kaffihúsin. Vinnuheyrnartól eru því að verða nokkurs konar tískuvara.“

Það er að mörgu að huga þegar velja á alvöru heyrnartól til vinnu. Heyrnartólin þurfa að vera með marga hljóðnema sem tryggir skýr símtöl. Margir vilja heyrnartól án spangar og að þau séu með virka hljóðeinangrun (ANC) sem heldur óþarfa hljóði í burtu. Þá vilja sumir heyrnartól, aðrir á eyrun, aðrir yfir eyrun eða bara tappa. Þá þarf græjan að hafa langan taltíma en um leið vera nægilega öflug fyrir ýmis konar afþreyingu eins og tónlistarhlustun.

 Margir enn með búnað sem virkar illa fyrir vinnu 

Gísli segir að margir starfsmenn komi enn með þráðlaus heyrnartól eða heyrnartappa, sem ekki eru samþætt við Teams og fleiri samvinnu- og fjarfundalausnir. UT-deildir vilja að starfsfólk sé með UC-vottaðan búnað (tryggir að búnaður geti átt samskipti við farsíma, tölvusíma, tekið myndsímtöl eða fjarfundi svo dæmi séu tekin) og séu ekki að detta út af Bluetooth sambandinu. „Með öðrum orðum það vill að starfsfólk geti nýtt sér nýjustu tækni sér til hagsbóta,“ segir Gísli.

„Margir framleiðendur hafa áttað sig á þessari þróun og flóran fyrir frábær vinnunheyrnartól, -síma og fjarfundalausnir sem líta orðið gríðarlega vel út hefur aldrei verið meiri en einmitt nú.“