fbpx
Fimmtudagur 03.apríl 2025
Fréttir

Kærasta plastbarkalæknis stígur fram – „Líklegast er hann sósíópati eða siðblindingi“

Kristinn H. Guðnason
Mánudaginn 27. nóvember 2023 15:30

Macchiarini laug mörgu að Alexander.

Ekki missa af Helstu tíðindum dagsins í pósthólfið þitt

Lesa nánar

Fyrrverandi kærasta ítalska skurðlæknisins Paolo Macchiarini, sem varð alræmdur fyrir plastbarkamálið, stígur fram í nýjum sjónvarpsþáttum um sögu læknisins. Ísland spilaði rullu í þessari sögu.

„Í dag tel ég að hann sé að minnsta kosti sjúkur lygari, en líklegast er hann sósíópati eða siðblindingi, en á þessum tíma hélt ég að hann myndi breyta heiminum,“ segir Benita Alexander. Þetta kemur fram hjá breska blaðinu The Telegraph.

Alexander var á miðjum fimmtugsaldri árið 2013 þegar hún kynntist Macchiarini. Hún starfaði þá sem dagskrárgerðarkona hjá bandarísku sjónvarpsstöðinni NBC og vildi nálgast manninn sem hún hafði heyrt að gerði undraverða hluti í læknisfræði á Karólínska sjúkrahúsinu í Stokkhólmi. Það er að ígræða plastbarka, hjúpaða stofnfrumum, í sjúklinga til þess að losna við að líkaminn hafnaði barkanum.

Sjúklingar veiktust og dóu

Sumir sjúklingar voru búsettir á Íslandi og tveir íslenskir læknar komu að þessum meðferðum. Það er Tómas Guðbjartsson og Óskar Einarsson.

Síðar kom í ljós að þessi vísindi voru byggð á sandi og enginn eðlilegur frumuvefur myndaðist utan um barkana. Leyfi siðanefndar höfðu heldur ekki verið veitt. Sjúklingar Macchiarini fóru að veikjast alvarlega og deyja.

Macchiarini var til rannsóknar hjá sænsku lögreglunni árin 2016 og 2017 en henni hætt vegna þess að sjúklingarnir hefðu hvort eð er annars dáið. Á Ítalíu var Macchiarini dæmdur í undirrétti fyrir skjalafals árið 2019 en sýknaður í hæstarétti.

Tvær heimildarmyndir

Tvær heimildamyndir eru á leiðinni um Macchiarini. Það er annars vegar Netflix myndin Bad Surgeon: Love Under the Knife og hins vegar Dr. Death: A True Crime Drama sem sýnd er á streymisveitunni Peacock TV.

Saga Benitu Alexander er til umfjöllunar í báðum myndum. Hún lýsir Macchiarini sem hálfgerðum dávaldi. „Hann er eins og könguló sem dregur þig smám saman inn í vef sinn, en hann gerir það af svo mikilli færni að þú veist ekkert hvað er að gerast,“ segir Alexander.

Plastbarkarnir áttu að breyta líffæragjöf til framtíðar.

Alexander segist hafa verið mjög viðkvæm á þessum tíma. Hún var nýskilin og fyrrverandi eiginmaður hennar hafði greinst með heilaæxli. Hún telur að Macchiarini hafi valið hana einmitt vegna þess að hún var í viðkvæmri stöðu.

„Ég held að það hafi verið hluti af spennunni hjá honum. Þeim mun klárari sem konan var og stærri sem stofnunin var þeim mun meiri unað fékk hann af þessu,“ segir hún.

Eftir að hafa kynnst Macchiarini leið ekki á löngu þar til hún braut eina af meginreglum blaðamennskunnar, það er að verða ástfangin að viðmælandanum. „Undir eins var ég svífandi á bleiku skýi,“ segir hún.

Macchiarini fór með Alexander í ástarferðir til Feneyja og Grikklands en á sama tíma var verið að rannsaka aðferðir hans og ýmislegt að komast í ljós. Það voru samstarfsmenn hans hjá Karólínska sjúkrahúsinu sem það gerðu og þeir létu vita.

Alexander segir frá því að Macchiarini hafi beðið hennar um jólin 2013 og hún sagði já. Hann sagði henni hins vegar að hún yrði að láta honum eftir skipulagningu brúðkaupsins. Hann væri hluti af leynilegum samtökum lækna sem meðhöndluðu mikilvægasta fólk heimsins.

Macchiarini sagðist meðal annars ætla að bjóða Obama hjónunum, Clinton hjónunum, Vladímír Pútín, Nicolas Sarkozy og fleiri stórbokku. Andrea Bocelli myndi syngja í athöfninni og Franz páfi gefa þau saman.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 15 klukkutímum

Jónas Már úthúðar Sjálfstæðisflokknum og Morgunblaðinu – Alvöru blaðamenn hljóti að íhuga stöðu sína

Jónas Már úthúðar Sjálfstæðisflokknum og Morgunblaðinu – Alvöru blaðamenn hljóti að íhuga stöðu sína
Fréttir
Fyrir 18 klukkutímum

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða
Fréttir
Fyrir 18 klukkutímum

Reykjavík þarf að borga konu sem rekin var úr starfi eina milljón króna í bætur

Reykjavík þarf að borga konu sem rekin var úr starfi eina milljón króna í bætur
Fréttir
Fyrir 19 klukkutímum

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“
Fréttir
Fyrir 20 klukkutímum

Mótmæla frumvarpi um rekstur líkhúsa – Sé ekkert annað en skattlagning á dánarbú

Mótmæla frumvarpi um rekstur líkhúsa – Sé ekkert annað en skattlagning á dánarbú
Fréttir
Í gær

Óska eftir því að þeir sem dvöldu á vöggustofum sem börn stígi fram og gefi kost á viðtali

Óska eftir því að þeir sem dvöldu á vöggustofum sem börn stígi fram og gefi kost á viðtali
Fréttir
Í gær

Sængurkonur fengu bakreikning vegna gagnaleka Sjúkratrygginga Íslands – „Þetta er ömurlegt“

Sængurkonur fengu bakreikning vegna gagnaleka Sjúkratrygginga Íslands – „Þetta er ömurlegt“
Fréttir
Í gær

Páll telur að enn eigi mikið eftir að gerast

Páll telur að enn eigi mikið eftir að gerast
Fréttir
Í gær

Evrópskir hermenn eiga að tryggja að Rússar ráðist ekki á ný á Úkraínu

Evrópskir hermenn eiga að tryggja að Rússar ráðist ekki á ný á Úkraínu