Nóg var um vera hjá Lögreglunni á höfuðborgarsvæðinu í gærkvöldi og nótt eins og svo oft áður á aðfaranótt sunnudags.
Í dagbók embættisins kemur fram að óskað var eftir aðstoð lögreglu á veitingastað í miðbæ Reykjavíkur vegna einstaklings sem neitaði að greiða fyrir veitingar sem hann hafði pantað.
Óskað var eftir aðstoð lögreglu að heimili í hverfi 170 en þar hafði helst úr súpupotti yfir ungling. Ekki er vitað um alvarleika brunasára.
Tilkynnt var sömuleiðis um þjófnað úr verslun í hverfi 108.
Í hverfi 101 var tilkynnt um húsbrot. Einn einstaklingur var handtekinn á vettvangi grunaður í málinu. Viðkomandi var í annarlegu ástandi og er hann vistaður í fangaklefa þar til hægt verður að taka af honum skýrslu vegna málsins.
Tilkynnt var umferðaróhapp í hverfi 104 en þar hafði bifreið verið ekið á ljósastaur. Tilkynningu fylgdi að tveir einstaklingar hefðu gengið í burtu frá bifreiðinni. Tveir einstaklingar sem pössuðu við lýsingu tilkynnanda voru handteknir skammt frá og eru þeir vistaðir í fangaklefa í þágu rannsóknar málsins en þeir eru grunaðir um akstur undir áhrifum vímuefna.
Bifreið var stöðvuð í hverfi 108 en ökumaður er grunaður um akstur undir áhrifum fíkniefna.
Tilkynnt var umferðaróhapp í hverfi 108 en þar hafði ökumaður ekið á ljósastaur. Ökumaðurinn er grunaður um akstur undir áhrifum áfengis og er vistaður í fangaklefa þar til rennur af honum.
Tvær bifreiðar voru stöðvaðar í hverfi 101 en ökumenn beggja eru grunaður um akstur undir áhrifum áfengis.
Tilkynnt var um líkamsárás í miðbæ Reykjavíkar. Einn einstaklingur handtekinn grunaður í málinu og er hann vistaður í þágu rannsóknar málsins.
Tilkynnt var um aðra líkamsárás í miðbænum en nánari lýsingar fylgja ekki tilkynningu lögreglu.
Einstaklingur var handtekinn í hverfi 105 fyrir að trufla umferð um Sæbraut. Við afskipti sló hann lögreglumann og hafði í hótunum við lögregluumenn. Einstaklingurinn er vistaður í fangaklefa þar til rennur af honum.
Tilkynnt var um innbrot í fyrirtæki í hverfi 221.
Tilkynnt var um umferðaróhapp í hverfi 220 en þar hafði bifreið verið ekið á kyrrstæða hluti og valdið töluverðu tjóni. Ökumaðurinn er grunaður um akstur undir áhrifum áfengis og er hann vistaður í fangaklefa þar til rennur af honum.
Óskað var eftir aðstoð lögreglu að skemmtistað í hverfi 220 vegna ölvaðs einstaklings sem var til vandræða utan við staðinn. Einstaklingurinn var handtekinn og vistaður í fangaklefa.
Óskað var eftir aðstoð lögreglu í verslun í hverfi 201 vegna þjófnaðar. Vegna ungs aldurs grunaða er málið unnið með foreldrum og barnavernd.
Höfð voru afskipti af einstaklingi í hverfi 109 en hann er grunaður um vörslu fíkniefna. Þá er grunur um að einstaklingurinn sé í ólöglegri dvöl á landinu og er hann vistaður í fangaklefa í þágu rannsóknar málsins.
