fbpx
Mánudagur 28.apríl 2025
Fréttir

Veittust að listakonu vegna veggmyndar – „Hamas drepur fólk! Reyndu að skilja það bjáninn þinn!“

Kristinn H. Guðnason
Föstudaginn 24. nóvember 2023 14:00

Manninum var mjög heitt í hamsi og byrjaði að öskra.

Ekki missa af Helstu tíðindum dagsins í pósthólfið þitt

Lesa nánar

Myndband sem sýnir harkaleg samskipti listakonu og tveggja vegfarenda við Skólavörðustíg í Reykjavík vegna vegglistaverks til stuðnings Palestínu hefur farið eins og eldur í sinu um netið. Listakonan tók upp samskiptin þegar fólkið vatt sér upp að henni.

„Veistu hvað gerðist þarna fyrir 7. október?“ spyr listakonan í upphafi myndbandsins og á þá við innrás Hamas samtakanna inn á landsvæði Ísraels nálægt Gasa.

„Já, ég er þaðan. Ég er mjög hrædd því að ég veit ekki hvað þú munt gera mér þegar ég sný við þér baki,“ svarar konan sem er augljóslega frá Ísrael. Hún er með karlmanni sem segist einnig vera frá Ísrael en talar íslensku.

Listakonan segir þeim að hún sé að taka myndbandið upp og hann segist vilja fá lögregluna á staðinn.

„Þú ert að skemma þetta,“ segir hann en  hún segist hafa leyfi. Hann dregur það í efa og spyr hver gaf leyfið. „Fjölskylda okkar var drepin,“ segir hann.

@thateastafricanqueenn Everyone go and support the artist shes @juliamaiart 🇮🇸 #iceland #femaleartist #art #icelandictiktok #freepalestine ♬ original sound – aestheticaly.001

Konan segir að veggmyndin sé móðgandi fyrir hana og Íslendinga. „Horfðu á mig. Ég skelf af því að þessi fáni drap fólkið mitt. Drap fjölskyldu mína,“ segir hún og bendir á Palestínufánann.

Listakonan bendir parinu á að Ísraelar hafi drepið 12 þúsund manns en maðurinn segir svo ekki vera. Segir hann hana þá vera að styðja Hamas hreyfinguna með því að mála verkið. „Þetta er Hamas. Þetta er Hamas! Hamas drepur fólk! Reyndu að skilja það bjáninn þinn! Þetta drepur Ísland!,“ öskrar hann. Reynir konan þá að draga hann í burtu sem tekst að lokum.

Verkið er eftir Juliu Mai Linnéa Maria. Í viðtali við Vísi á sunnudag greindi hún frá því að hún hefði fengið mikið áreiti við gerð verksins. Meðal annars að sett hafa verið yfir það ýmis plaggöt til styrktar Ísrael og zíonisma.

Veggmyndin hefur vakið upp tilfinningar hjá fólki. DV/RG
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 20 klukkutímum

Vilhjálmur segir grátbroslegt að hlusta á útgerðina sem fyrst nú hafi áhyggjur af landsbyggðinni – „Í dag er allt þetta horfið og við finnum svo sannarlega fyrir áhrifum þess“

Vilhjálmur segir grátbroslegt að hlusta á útgerðina sem fyrst nú hafi áhyggjur af landsbyggðinni – „Í dag er allt þetta horfið og við finnum svo sannarlega fyrir áhrifum þess“
Fréttir
Fyrir 21 klukkutímum

Sólveig Anna útskýrir hvað hún hatar við woke-ið – „. Mér finnst það satt best að segja til háborinnar skammar“

Sólveig Anna útskýrir hvað hún hatar við woke-ið – „. Mér finnst það satt best að segja til háborinnar skammar“
Fréttir
Fyrir 2 dögum

Getur mikil neysla á kjúklingakjöti verið krabbameinsvaldandi?

Getur mikil neysla á kjúklingakjöti verið krabbameinsvaldandi?