fbpx
Þriðjudagur 22.apríl 2025
Fréttir

Hagnaður af endurnýttum skóm notaður til kristniboðs – „Gamalt samstarfsverkefni“ að sögn Sorpu

Kristinn H. Guðnason
Þriðjudaginn 21. nóvember 2023 09:00

Kristniboðar fá hluta af ágóða skósöfnunar.

Ekki missa af Helstu tíðindum dagsins í pósthólfið þitt

Lesa nánar

Hluti af hagnaði af endursölu fatnaðar rennur til Samtaka íslensku kristniboðafélaganna. Um er að ræða tiltekna skó sem safnað er á endurvinnslustöðinni í Sævarhöfða.

Umræða hefur spunnist um málið á samfélagsmiðlum og sitt sýnist hverjum. Sumum hugnast það alls ekki að styðja við kristniboð heldur vilja að ágóðinn renni til góðgerðarmála.

Kristniboðssambandið (SÍK) var stofnað árið 1929 og hefur stutt við kristniboða í Asíu og Afríku. Meðal annars með því að styðja við útvarps og sjónvarpsútsendingar á kristilegu efni og fjármagna kirkjubyggingar.

„Boðun og kærleiksþjónusta fara alltaf saman og hvorugt getur án hins verið,“ segir á heimasíðu SÍK.

Ferlið í endurskoðun

„Það hefur eitthvað í snefilmagni verið safnað fyrir þessi tilteknu samtök á endurvinnslustöðinni á Sævarhöfða,“ segir Gunnar Dofri Ólafsson, samskipta og þróunarstjóri Sorpu.

Gunnar segir að allt sem komi til Góða hirðisins fari inn í þann rekstur og allt sem fari í fatagáma hjá Rauða krossinum fari í fataverkefni hjá þeim. Aðeins ágóði af skóm sem fari í tiltekna gáma á Sævarhöfða fari til SÍK.

Gunnar Dofri hjá Sorpu segir textílmálin í endurskoðun. Mynd/Viðskiptaráð

Hann segir einnig að það standi til að endurskoða þetta fyrirkomulag.

„Þetta er gamalt samstarfsverkefni. Við erum í því ferli núna, bæði gagnvart Rauða krossinum og Sambandi íslenskra sveitarfélaga, að endurskoða textílmálefnin í heild,“ segir Gunnar.

Góði hirðirinn styrkir ekki trúboð

Ruth Einarsdóttir, verslunarstjóri Góða hirðisins, segir að verslunin styrki ekki trúboðastarf. Aðeins góðgerðastarf.

Ruth segir trúboð ekki styrkt hjá Góða hirðinum.

„Allt sem berst í okkar nytjagáma reynum við að koma í endurnot. Ef hagnaður er af rekstri þá er hann gefin til góðgerðamála hér á Íslandi. Styrkurinn renni til „Hjálpar fólki til sjálfsbjargar“ svo sem menntunar, endurhæfingar og sjálfsbjargar. Leitast er við að styrkja efnaminni börn og ungmenni,“ segir Ruth.

Meðal annars hefur Góði hirðirinn styrkt Sorgarmiðstöð, Áfallasjóð Rauða krossins, Hjálpræðisherinn, Mæðrastyrksnefnd, Hjálparstarf kirkjunnar og Fjölskylduhjálp Íslands.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 19 klukkutímum

Manstu ekkert eftir þér sem smábarn? – Þetta er ástæðan

Manstu ekkert eftir þér sem smábarn? – Þetta er ástæðan
Fréttir
Fyrir 22 klukkutímum

Börkur ósáttur við valkyrjurnar – „Til hamingju, hálfvitar“

Börkur ósáttur við valkyrjurnar – „Til hamingju, hálfvitar“
Fréttir
Fyrir 23 klukkutímum

Samúðarkveðja Höllu forseta vegna fráfalls páfa veldur undrun – „Úff“

Samúðarkveðja Höllu forseta vegna fráfalls páfa veldur undrun – „Úff“
Fréttir
Fyrir 2 dögum

„Þetta er sjúkdómur sem leggst á fleiri en bara þann sem er haldinn fíkninni“

„Þetta er sjúkdómur sem leggst á fleiri en bara þann sem er haldinn fíkninni“
Fréttir
Fyrir 3 dögum

Jeppakall tætti upp Hólmsheiði – Vinkonum og hundum þeirra ógnað vegna framferðis mannsins

Jeppakall tætti upp Hólmsheiði – Vinkonum og hundum þeirra ógnað vegna framferðis mannsins
Fréttir
Fyrir 3 dögum

Handrit gefur til kynna að Kólumbus hafi vitað af Ameríku – „Marckalada“

Handrit gefur til kynna að Kólumbus hafi vitað af Ameríku – „Marckalada“
Fréttir
Fyrir 3 dögum

Kærastinn að sökkva ofan í hyldýpi hægri samsæriskenninga – Spyr hvað sé til ráða?

Kærastinn að sökkva ofan í hyldýpi hægri samsæriskenninga – Spyr hvað sé til ráða?