Frekari rannsókna er þörf á dánarorsök stórstjörnunnar Matthew Perry. Þetta er niðurstaða réttarmeinafræðinga í Los Angeles sem rannsökuðu líkið. Eins og komið hefur fram fannst Perry, sem var 54 ára gamall, látinn í heitum potti við heimili sitt í Los Angeles. Ekki er talið að neitt saknæmt hafi átt sér stað.

Fulltrúi Lisu Kudrow, stórvinkonu leikarans, lét hafa eftir sér að stjarnan væri miður sín vegna andláts Perry enda töldu nánustu vinir hans að hann væri að feta beinu brautina. „Það vill enginn trúa því að lyfjamistnotkun hafi verið valdur að dauða hans en það er samt eitthvað sem allir óttast. Þau halda að hann hafi tekið eitthvað sem að ,“ sagði viðkomandi í samtali við Daily Mail. 

Í yfirlýsingu frá leikkonunni kom fram að hún væri miður sín vegna fráfalls leikarans og dauði hans virtist óraunverulegur fyrir leikarahópinn fræga sem hefur staðið þétt saman alla tíð. Sagði Kudrow að vinirnir myndu sannarlega mæta í jarðaför leikarans og mögulega myndi hún ættleiða hundinn hans.

Glíma Perry with áfengi og eiturlyf var á allra vitorði og var hann sjálfur opinskár með þá baráttu. Bandaríski slúðurmiðillinn TMZ greindi frá því að rannsakendur hefðu fundið þunglyndis- og kvíðalyf á heimili hans en engin ólögleg lyf.

Þá hefur verið greint frá því að Perry hafi kvartað undan óvanalega mikilli þreytu undanfarna daga. Hann var mikill aðdáandi íþróttarinnar pickleball sem hann spilaði daglega og hafði gert það daginn sem hann lést. Spilafélagi hans, sjónvarpsmaðurinn Billy Bush, staðfesti að Perry hafi hætt fyrr að spila þennan dag út af sleni.