fbpx
Mánudagur 31.mars 2025
Fréttir

Mannslátið í Bátavogi – Konan nú grunuð um manndráp

Ágúst Borgþór Sverrisson
Þriðjudaginn 3. október 2023 13:03

Ekki missa af Helstu tíðindum dagsins í pósthólfið þitt

Lesa nánar

Nýjar vendingar hafa orðið í rannsókn Lögreglunnar á höfuðborgarsvæðinu á mannsláti í fjölbýlishúsi við Bátavog laugardagskvöldið 21. september síðastliðinn. Konan sem situr í gæsluvarðhaldi vegna rannsóknar málsins er núna grunuð um manndráp.

Þetta staðfestir Ævar Pálmi Pálmasson aðstoðaryfirlögregluþjónn. DV spurði hann hvort niðurstöður væru komnar úr krufningu á líki mannsins og svaraði Ævar: „Það eru ekki komnar niðurstöður úr krufningu en það er grunur um manndráp og málið er rannsakað sem slíkt.“

Áður hefur komið fram í fréttum að áverkar voru á manninum en ekki hefur legið fyrir hvort þeir hafi leitt til dauða hans. Aðspurður segir Ævar að einhverjar upplýsingar hafi komið úr krufningu sem orsaki þetta mat lögreglunnar þó að krufningarniðurstöður liggi ekki fyrir.

Gæsluvarðhald yfir konunni rennur út á morgun og búast má við framlengingu gæsluvarðhalds í ljósi stöðunnar. Ævar vill þó ekkert tjá sig um það fyrr en kemur að lokum gæsluvarðhaldsúrskurðarins í eftirmiðdaginn á morgun. „Það kemur bara í ljós á morgun,“ segir hann.

Aðspurður vildi Ævar ekkert tjá sig um hvernig yfirheyrslur hafi gengið yfir konunni og hvort hún hafi verið samvinnufús en hún hefur verið í haldi lögreglu allt frá laugardagskvöldinu 21. september.

Varðandi önnur sönnunargögn en krufningu við rannsókn málsins segir Ævar: „Það eru náttúrulega allir þættir og vinklar skoðaðir, það er verið að taka skýrslur af vitnum, meðal annars nágrönnum.“

Ævar upplýsir að andlátið hafi borið að á sameiginlegu heimili fólksins, ljóst er því að þau voru sambúðarfólk. Maðurinn var á sextugsaldri en konan er fædd árið 1981.

Konan er 20 árum yngri. Hún hefur komið við sögu lögreglu og hefur minnst fjóra refsidóma að baki, allt vegna fíkniefnamála. Hún hefur strítt við fíkn og var borin út af heimili sínu fyrir nokkrum misserum í kjölfar nágrannadeilna. Hefur hún nokkuð fjallað um það á samfélagsmiðlum og talið sig hafa verið beitta órétti.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 11 klukkutímum

Snorri spyr hvort þetta sé í alvörunni umdeild skoðun fámenns hóps – „Hér er talað eins og við séum örlítill grenjandi minnihluti“

Snorri spyr hvort þetta sé í alvörunni umdeild skoðun fámenns hóps – „Hér er talað eins og við séum örlítill grenjandi minnihluti“
Fréttir
Fyrir 12 klukkutímum

Bjarni Már: „Spurn­ing­in er ekki hvort Ísland þurfi að bregðast við, held­ur hvenær”

Bjarni Már: „Spurn­ing­in er ekki hvort Ísland þurfi að bregðast við, held­ur hvenær”
Fréttir
Fyrir 16 klukkutímum

Segir að Úkraína verði að velja á milli að verða bandarísk eða rússnesk nýlenda

Segir að Úkraína verði að velja á milli að verða bandarísk eða rússnesk nýlenda
Fréttir
Fyrir 16 klukkutímum

Einn vinsælasti tengiltvinnbíll Íslendinga snýr aftur

Einn vinsælasti tengiltvinnbíll Íslendinga snýr aftur
Fréttir
Í gær

Hátt í 30 manns bjargað af Eyjafjallajökli

Hátt í 30 manns bjargað af Eyjafjallajökli
Fréttir
Í gær

5 gista fangageymslur eftir nóttina

5 gista fangageymslur eftir nóttina