fbpx
Fimmtudagur 03.apríl 2025
Fréttir

Séra Friðrik hélt mjög upp á nakta drenginn Drumb – „Hann er mjög óþekkur og fæst ekki til að fara í nokkra spjör“

Kristinn H. Guðnason
Föstudaginn 27. október 2023 11:18

Guðmundur Magnússon sá Drumb á Friðriksstofu árið 2017. Myndir/Skrifhús

Ekki missa af Helstu tíðindum dagsins í pósthólfið þitt

Lesa nánar

Séra Friðrik Friðriksson, prestur og stofnandi KFUM og K, hélt mikið upp á tréstyttu af nöktum dreng. Sú stytta var kölluð Drumbur. Við gerð útilistaverksins „Séra Friðrik og drengurinn“ sat Friðrik fyrir með styttuna af Drumbi.

Guðmundur Magnússon, höfundur nýrrar ævisögu um séra Friðrik, birtir á síðu sinni Skrifhús sögu af gerð útilistaverksins sem stendur við Lækjargötu. Vitnar hann þar meðal annars í orð prestsins úr síðasta blaðaviðtalinu sem tekið var við hann, í Morgunblaðinu árið 1958. En þar var vikið að tréstyttunni Drumbi.

„Sko, þarna á ég strák, sagði hann, og benti á myndina. Tove Ólafsson tálgaði hana og gaf mér. Mér þykir ákaflega vænt um hana. Drengurinn heitir Drumbur. Hann er mjög óþekkur og fæst ekki til að fara í nokkra spjör, og er svo auðvitað alltaf hræddur um, að ég muni skella hann á rassinn. Sjáðu, hvar hann heldur hendinni, við öllu búinn!“

Styttan af Drumbi er enn þá til og stendur úti í horni í Friðriksstofu, húsakynnum KFUM við Holtaveg.

Hélt mjög upp á styttuna

Drengurinn er kviknakinn en þegar myndhöggvarinn Sigurjón Ólafsson gerði styttuna „Séra Friðrik og drengurinn“ klæddi hann drenginn í stuttbuxur. Tove sem tálgaði Drumb var eiginkona Sigurjóns.

Mörgum þykir styttan orðin óþægileg. Mynd/Listasafn Reykjavíkur

Í færslunni lýsir Guðmundur heimsókn sinni á Friðriksstofu þar sem hann sá styttuna af Drumbi fyrst, árið 2017. Fannst honum hún mjög sérstæð en vissi ekkert um sögu hennar.

„Seinna komst ég að því að séra Friðrik hélt mjög upp á þessa styttu, nefndi hana Drumb og hafði árum saman í bókaherbergi sínu og svefnstofu í húsi KFUM við Amtmannastig,“ segir hann.

Hvítur litur sakleysis

Guðmundur segir að eftir að bókin kom út hafi vaknað spurningar um framtíð styttunnar „Séra Friðrik og drengurinn“ sem mörgum þyki einstakt listaverk. Lýsir hann því hvernig hún var afhjúpuð á sínum tíma.

„Í bókinni kemur fram  að nokkrir góðborgarar í Reykjavík höfðu frumkvæði að því að minnisvarðinn var gerður í byrjun sjötta áratugar síðustu aldar og söfnuðu fé til að kosta verkið. Það var afhjúpað á afmælisdegi séra Friðriks 25. apríl 1955 og hafði Reykjavíkurborg þá tekið við umsjón þess,“ segir Guðmundur. „Þegar verkið var vigt höfðu garðyrkjumenn bæjarins lagað grassvörðinn utan um styttuna með túnþökum og sett haganlega upp blómabeð með hvítum blómum Friðriki til heiðurs. Haft var eftir Hafliða Jónssyni garðyrkjustjóra bæjarins í blöðunum að hvítur litur sakleysis væri við hæfi hins 87 ára gamla öldungs og þess vegna hefði hann valið þennan blómalit.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 14 klukkutímum

Nauðgunardómur Vilhelms fer ekki fyrir Hæstarétt

Nauðgunardómur Vilhelms fer ekki fyrir Hæstarétt
Fréttir
Fyrir 15 klukkutímum

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“
Fréttir
Fyrir 17 klukkutímum

Stefán Einar svarar fyrir sig: „Fólk þarf ekki að mæta og það þarf ekki að hlusta”

Stefán Einar svarar fyrir sig: „Fólk þarf ekki að mæta og það þarf ekki að hlusta”
Fréttir
Fyrir 18 klukkutímum

Fá ekki greitt fyrir óunna yfirvinnu úr þrotabúi Skagans 3X

Fá ekki greitt fyrir óunna yfirvinnu úr þrotabúi Skagans 3X
Fréttir
Fyrir 21 klukkutímum

Pétur mælir ekki með að fólk kaupi allar raðirnar í Lottó – „Þá er hann í vondum málum“

Pétur mælir ekki með að fólk kaupi allar raðirnar í Lottó – „Þá er hann í vondum málum“
Fréttir
Fyrir 23 klukkutímum

Páll telur að enn eigi mikið eftir að gerast

Páll telur að enn eigi mikið eftir að gerast
Fréttir
Í gær

Segir að Rússar séu reiðubúnir til að herða stríðsrekstur sinn

Segir að Rússar séu reiðubúnir til að herða stríðsrekstur sinn
Fréttir
Í gær

Bandarískir fjölmiðlar gefa ekki mikið fyrir Grænlandsferð Vance – „Fasteignaskoðun“

Bandarískir fjölmiðlar gefa ekki mikið fyrir Grænlandsferð Vance – „Fasteignaskoðun“