fbpx
Föstudagur 25.apríl 2025
Fréttir

Auður harðorð: „Þetta er grafalvarlegt mál“ – Segir Agnesi haga sér eins og hún sé einráð

Ritstjórn DV
Þriðjudaginn 17. október 2023 08:00

Agnes Sigurðardóttir, biskup Íslands.

Ekki missa af Helstu tíðindum dagsins í pósthólfið þitt

Lesa nánar

Auður Björg Jónsdóttir, lögmaður séra Gunnars Sigurjónssonar, segist ætla að vona að Biskupsstofa muni bjóða umbjóðanda hennar sanngjarnar bætur í framhaldi af úrskurði úrskurðarnefndar þjóðkirkjunnar.

Greint var frá því í gærkvöldi að séra Agnes M. Sigurðardóttir, biskup Íslands, hafi verið vanhæf til að gegna embætti sínu eftir að skipunartími hennar rann út 1. júlí á síðasta ári. Séra Gunnar rak málið fyrir nefndinni en honum var vikið úr starfi sóknarprests Digranesprestakalls vegna kynferðislegrar áreitni. Ákvörðunin um að víkja honum var hins vegar ólögmæt þar sem Agnes hafði ekki umboð.

Séra Agnes hyggst áfrýja niðurstöðunni.

Auður Björg tjáir sig um málið við Morgunblaðið í dag og er býsna harðorð í garð kirkjunnar.

„Þetta er grafalvarlegt mál. Biskup er æðsti maður þjóðkirkjunnar og sr. Agnes hefur ekki haft umboð til starfans frá 1. júlí 2022. Það er ítrekað búið að benda biskupi og Biskupsstofu á það, en Agnes situr sem fastast og gefur ekkert fyrir þessar ábendingar eins og hún sé einráð,“ segir hún og bætir við að mál séra Gunnars sé sorgarsaga og dæmi um hvernig Þjóðkirkjunni hafi mistekist í mannauðsmálum sínum.

„Hún hefur brotið gróflega gegn honum og ég ætla bara að vona að í framhaldi af þessu muni Biskupsstofa bjóða umbjóðanda mínum sanngjarnar bætur og úrlausn sinna mála,“ segir Auður.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Kynferðisbrotamaður framseldur frá Íslandi – Dæmdur fyrir brot gegn barnungri stúlku í heimalandinu

Kynferðisbrotamaður framseldur frá Íslandi – Dæmdur fyrir brot gegn barnungri stúlku í heimalandinu
Fréttir
Fyrir 2 dögum

Guðni rifjar upp samtal: „Við hlustuðum ekki frekar en fyrri daginn“ – Segir lýsingar Úlfars vera sláandi

Guðni rifjar upp samtal: „Við hlustuðum ekki frekar en fyrri daginn“ – Segir lýsingar Úlfars vera sláandi
Fréttir
Fyrir 2 dögum

Musk er í miklum mótvindi

Musk er í miklum mótvindi
Fréttir
Fyrir 2 dögum

Rússar segjast vera að hjálpa særðum hermönnum sínum – En tilgangurinn er skelfilegur

Rússar segjast vera að hjálpa særðum hermönnum sínum – En tilgangurinn er skelfilegur