fbpx
Föstudagur 25.apríl 2025
Fréttir

Meirihluti finnur fyrir minni vatnsþrýstingi eftir framkvæmd

Kristinn H. Guðnason
Laugardaginn 2. september 2023 11:00

Heitavatnslaust var í um einn og hálfan sólarhring þegar lögnin var tengd. Mynd/Veitur

Ekki missa af Helstu tíðindum dagsins í pósthólfið þitt

Lesa nánar

Margir íbúar í miðbæ Hafnarfjarðar lýsa minni vatnsþrýstingi á hitaveituvatninu eftir stóra framkvæmd Veitna í ágúst. Veitur greina eðlilegan þrýsting.

Ný heitavatnslögn var tengd dagana 21. til 23. ágúst síðastliðinn. Var heitavatnslaust í öllum Hafnarfirði og hluta Garðabæjar í um einn og hálfan sólarhring á meðan framkvæmdunum stóð.

Þetta er hluti af miklum framkvæmdum sem hafa staðið yfir við göturnar Álfaskeið og Sólvangsveg í Hafnarfirði síðan í nóvember á síðasta ári. Stefnt er að því að þeim ljúki í haust. Verið er að endurnýja stofnlagnir vegna fjölgunar íbúa og markmiðið að tryggja öllum íbúum í Hafnarfirði heitt vatn til áratuga.

Ekki allir eru sáttir því samkvæmt óformlegri könnun á samfélagsmiðlum finna 57 prósent svarenda í miðbæ Hafnarfjarðar fyrir minna flæði á heita vatninu eftir framkvæmdina. 40 prósent segjast hafa sama flæði en aðeins 3 prósent segjast hafa meira. Þegar þetta er skrifað hafa rúmlega 80 manns svarað.

Eðlilegur þrýstingur

„Tengingin á nýrri heitavatnslögn í Hafnarfirði gekk vel og stjórnkerfi Veitna sýnir eðlilegan þrýsting á heita vatninu í bænum,“ segir Rún Ingvarsdóttir, samskiptastýra Veitna.

Rún segir að nokkrir lekar hafi orðið í kjölfar tengingarinnar og hefur verið gert við þá. Í gær var unnið að viðgerð við Lækjargötu.

„Ef fólk upplifir minni þrýsting á heita vatninu bendum við því á að hafa samband við Veitur,“ segir hún að lokum.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Telja sig hafa leyst 2.000 ára ráðgátu um einn athyglisverðasta fornleifafund sögunnar

Telja sig hafa leyst 2.000 ára ráðgátu um einn athyglisverðasta fornleifafund sögunnar
Fréttir
Í gær

Rafmynt Trump hækkar duglega í verði eftir að hann lofar matarboði fyrir stærstu fjárfesta

Rafmynt Trump hækkar duglega í verði eftir að hann lofar matarboði fyrir stærstu fjárfesta
Fréttir
Í gær

Sakaði frænda stjúpmóður sinnar um áreitni á veitingastað í Garðabæ – Hönd fór yfir rasssvæðið

Sakaði frænda stjúpmóður sinnar um áreitni á veitingastað í Garðabæ – Hönd fór yfir rasssvæðið
Fréttir
Fyrir 2 dögum

Sólveig Anna segir sig úr Sósíalistaflokknum eftir svívirðingar – „Langt síðan ég hef séð svona mikið hatur á mér“

Sólveig Anna segir sig úr Sósíalistaflokknum eftir svívirðingar – „Langt síðan ég hef séð svona mikið hatur á mér“