fbpx
Föstudagur 04.apríl 2025
Fréttir

Fyrrum sóknarprestur segir framgöngu Agnesar biskups siðlausa – „Hún er óheiðarleg og undirförul“

Ritstjórn DV
Mánudaginn 14. ágúst 2023 11:00

Kristinn Jens Sigurþórsson

Ekki missa af Helstu tíðindum dagsins í pósthólfið þitt

Lesa nánar

Séra Kristinn Jens Sigurþórsson, fyrrum sóknarprestur í Saurbæjarprestakalli í Vesturlandsprófastsembætti, fer hörðum orðum um Agnesi Sigurðardóttur, biskup Íslands, í aðsendri grein í Morgunblaði dagsins. Þar segir hann að framganga Agnesar varðandi framlengingu á starfstíma hennar í biskupsstóli sé siðlaus og hann hafi velt því fyrir sér hvort kirkj­an væri „að breyt­ast í „költ“, þ.e.a.s. breyt­ast í trú­arklíku“ undir hennar stjórn.

Spyr sig hvort Þjóðkirkjan sé að breytast í „költ“

„Þegar leitað er skil­grein­inga á því hvað „költ“ er koma fram þau ein­kenni klík­unn­ar að leiðtog­inn er jafn­an sjálf­skipaður og sagður búa yfir „kar­isma“ – þ.e. per­sónutöfr­um. Blas­ir við að þjóðkirkj­an lýt­ur nú sjálf­skipaðri for­ystu Agnes­ar M. Sig­urðardótt­ur og að því leyti er eitt helsta skil­yrðið um trú­arklíku upp­fyllt. Öllu örðugra er að skynja að leiðtog­inn búi yfir nokkru sem kalla mætti „kar­isma“.  Þó er til þess að horfa að í nú­tím­an­um er nóg að vera kona til að hafa „kar­isma“. Er í þessu sam­bandi vert að rifja upp að Agnes M. Sig­urðardótt­ir var ein­mitt kos­in til að gegna embætti bisk­ups Íslands af þeirri ástæðu einni að hún var og er kona,“ skrifar Kristinn Jens.

Skrifar hann að af sömu ástæðu hafi allt verið lagt í sölurnar innan Þjóðkirkjunnar til þess að halda uppi endalausum vörnum fyrir biskup.  „Má þó öll­um ljóst vera, sem þekkja bisk­ups­fer­il henn­ar, að hún er óheiðarleg og und­ir­för­ul og al­gjör­lega ófær um að axla þá ábyrgð sem bisk­up­stign fylg­ir,“ skrifar Kristinn Jens.

Agnes Sigurðardóttir, biskup Íslands.

Stendur í dómsmáli gegn kirkjunni

Eins og DV hefur fjallað um þá hefur er Séra Kristinn Jens allt annað en sáttur við Þjóðkirkjuna en hann hefur stefnt kirkjunni fyrir dóm. Hann var síðasti sóknarpresturinn í Saurbæjarprestakalli í Vesturlandsprófastsembætti, embætti sem hann gegndi frá því í júní árið 1996 allt þar til að prestakallið  var lagt niður árið 2019.

Sjá einnig: Séra Kristinn stefnir Þjóðkirkjunni – Atvinnulaus og tekjulaus eftir að prestakallið var lagt niður – DV

Ástæða þeirrar ákvörðunar voru sagðar þrálátar myglu – og rakaskemmdir í prestsbústaðnum en kirkjuráð taldi á endanum of kostnaðarsamt að ráðast í þær úrbætur sem tryggja myndu að húsnæðið yrði ekki framar heilsuspillandi fyrir Kristinn Jens og fjölskyldu hans.

Kristinn Jens telur Þjóðkirkjuna vera skaðabótaskylda við sig vegna þess hvernig að þessum málum var staðið. Hefur hann stefnt Þjóðkirkjunni fyrir héraðsdóm þar sem aðalkrafan er sú að viðurkennt verði með dómi skaðabótaskylda Þjóðkirkjunnar gagnvart honum vegna þess tjóns sem hann varð fyrir vegna ákvörðunar kirkjuþings um að leggja Saurbæjarprestakall niður og ákvörðunar biskups í kjölfarið um að leggja niður sóknarprestsembætti hans.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 15 klukkutímum

Leggjast gegn dýrafrumvarpi Ingu Sæland – Ofnæmisvakar geti borist á milli íbúða

Leggjast gegn dýrafrumvarpi Ingu Sæland – Ofnæmisvakar geti borist á milli íbúða
Fréttir
Fyrir 16 klukkutímum

Heiðar um tolla Trumps – „Þetta er afskaplega skammsýnt“

Heiðar um tolla Trumps – „Þetta er afskaplega skammsýnt“
Fréttir
Í gær

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða
Fréttir
Í gær

Reykjavík þarf að borga konu sem rekin var úr starfi eina milljón króna í bætur

Reykjavík þarf að borga konu sem rekin var úr starfi eina milljón króna í bætur
Fréttir
Í gær

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“
Fréttir
Í gær

Mótmæla frumvarpi um rekstur líkhúsa – Sé ekkert annað en skattlagning á dánarbú

Mótmæla frumvarpi um rekstur líkhúsa – Sé ekkert annað en skattlagning á dánarbú