fbpx
Föstudagur 04.apríl 2025
Fréttir

Þetta land hefur bannað kvikmyndina um Barbie

Jakob Snævar Ólafsson
Fimmtudaginn 10. ágúst 2023 14:00

Margot Robbie leikur Barbie í samnefndri kvikmynd.

Ekki missa af Helstu tíðindum dagsins í pósthólfið þitt

Lesa nánar

Yfirvöld í Líbanon hafa bannað sýningar kvikmyndarinnar Barbie í landinu. Kvikmyndin er sögð halda samkynhneigð á lofti og ganga þannig gegn gildum landsins.

Mohammad Morta menningarmálaráðherra bannaði myndina en hafði áður frestað frumsýningu hennar fram til loka ágúst. Ráðherrann sagði Barbie brjóta í bága við siðferðisleg og trúarleg gildi líbansks samfélags. Hann vildi einnig meina að kvikmyndin ýti undir kynferðislegt óeðli og trans-hneigð.

Kynferðislegt óeðli er orðalag sem oft notað um samkynhneigð í Mið-Austurlöndum.

Þetta bann við sýningum á Barbie í Líbanon kemur í kjölfar harðnandi orðræðu í garð hinsegin fólks af hálfu sumra stjórnmálamanna og embættismanna í Líbanon.

Hassan Nasrallh leiðtogi Hezbollah, sem er hreyfing íslamista og mjög áhrifamikil í Líbanon, sagði í ræðu í síðasta mánuði að sambönd fólks af sama kyni væru ógn við landið.

Hann hafði nokkrum dögum áður hótað hinsegin fólki í Líbanon í myndbandi. Jafnframt hvatti hann til þess að hinsegin fólk yrði kallað niðrandi orðum og að því yrði refsað.

Eftir flutning þessarar ræðu hefur tilkynningum frá hinsegin fólki um áreitni og hótanir, í gegnum internetið, farið fjölgandi.

Líbanon var áður talið eitt frjálslyndasta landið í Mið-Austurlöndum en yfirvöld í landinu hafa í auknum mæli komið í veg fyrir viðburði á vegum hinsegin fólks.

Andúð á hinsegin fólki hefur farið vaxandi í fleiri arabaríkjum. Barbie var einnig bönnuð í Kuwait þar sem hún var sögð hvetja til óásættanlegrar hegðunar.

Í Írak hafa stjórnvöld bannað fjölmiðlum og netfyrirtækjum að nota orðin samkynhneigð og kyngervi (e. gender) og skipað þeim að nota þess í stað orðin kynferðislegt óeðli. Í landinu hafa regnbogafánar verið brenndir í mótmælum vegna Kóran-brenna í Noregi og Svíþjóð.

Það var CNN sem greindi frá.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 15 klukkutímum

Leggjast gegn dýrafrumvarpi Ingu Sæland – Ofnæmisvakar geti borist á milli íbúða

Leggjast gegn dýrafrumvarpi Ingu Sæland – Ofnæmisvakar geti borist á milli íbúða
Fréttir
Fyrir 16 klukkutímum

Heiðar um tolla Trumps – „Þetta er afskaplega skammsýnt“

Heiðar um tolla Trumps – „Þetta er afskaplega skammsýnt“
Fréttir
Í gær

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða
Fréttir
Í gær

Reykjavík þarf að borga konu sem rekin var úr starfi eina milljón króna í bætur

Reykjavík þarf að borga konu sem rekin var úr starfi eina milljón króna í bætur
Fréttir
Í gær

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“
Fréttir
Í gær

Mótmæla frumvarpi um rekstur líkhúsa – Sé ekkert annað en skattlagning á dánarbú

Mótmæla frumvarpi um rekstur líkhúsa – Sé ekkert annað en skattlagning á dánarbú