fbpx
Fimmtudagur 03.apríl 2025
Fréttir

Bruggfyrirtæki Fjallsins og félaga úrskurðað gjaldþrota

Ritstjórn DV
Miðvikudaginn 28. júní 2023 08:00

Kraftajötuninn Hafþór Júlíus Björnsson var andlit fyrirtækisins og einn eigandi þess

Ekki missa af Helstu tíðindum dagsins í pósthólfið þitt

Lesa nánar

Fyrirtækið Icelandic Mountain Spirits hefur verið úrskurðað gjaldþrota. Þetta kemur fram í auglýsingu í Lögbirtingblaðinu í morgun þar sem kemur fram að fyrirtækið hafi farið í þrot þann 14. júní síðastliðinn.

Fyrirtækið var stofnað árið 2016 og eins og nafnið gefur til kynna var tilgangur þess að framleiða sterkt áfengi úr íslensku vatni. Stofnendur þess voru upphaflega sex talsins en einn heltist svo úr lestinni og eftir stóðu fimm með 20% hlut eða þeir Ragnar Aðalsteinn Tryggvason, Björn Þór Reynisson, Alfreð Pálsson, Anton Rúnarsson og  kraftlyftingamaðurinn Hafþór Júlíus Björnsson, betur þekktur sem Fjallið (e. The Mountain) sem var talsmaður fyrirtækisins og lék lykilhlutverk í markaðsetningu þess.

Alfreð, Ragnar og Anton seldu síðan sinn hlut í félaginu til Hafþórs í febrúar árið 2022 og því átti Fjallið 60 prósent hlut í félaginu þegar það fór í þrot.

Fyrsta varan sem kom á markað frá fyrirtækinu var einmitt Mountain Vodka sem Hafþór Júlíus auglýsti í gríð og erg, meðal annars í stórskemmtilegri auglýsingu sem vakti mikla athygli.

Áætlanir fyrirtækisins voru stórhuga en ætlunin var að koma þremur öðrum áfengistegundum á markað.  Icelandic Mountain Shots eða skot sem átti að kallast Drekinn. Icelandic Mountain Gin sem nefnt var Örninn og Icelandic Mountain Rum sem kallaðist  Nautið. Um var að ræða tilvísanir í íslensku vættina og átti vodkað og þar með Hafþór Júlíus að tákna risann.

Þá vakti það nokkra athygli að fyrirtækið var með þeim fyrstu að nýta sér breytingar á íslensku fánalögunum og nota fánann í markaðsefni sitt og merkingar.

Aðeins vodkað og ginið Örninn komust á markað en í byrjun árs 2018 var meðal annars greint frá því að fyrirtækið hefði náð þeim áfanga að koma vörum sínum í sölu hjá Costco í Bretlandi sem var stór áfangi.

Síðan fór að halla undan fæti í rekstri fyrirtækisins með þeim afleiðingum, eins og áður segir, að það hefur nú verið úrskurðað gjaldþrota.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 14 klukkutímum

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“
Fréttir
Fyrir 15 klukkutímum

Mótmæla frumvarpi um rekstur líkhúsa – Sé ekkert annað en skattlagning á dánarbú

Mótmæla frumvarpi um rekstur líkhúsa – Sé ekkert annað en skattlagning á dánarbú
Fréttir
Fyrir 18 klukkutímum

Fá ekki greitt fyrir óunna yfirvinnu úr þrotabúi Skagans 3X

Fá ekki greitt fyrir óunna yfirvinnu úr þrotabúi Skagans 3X
Fréttir
Fyrir 19 klukkutímum

Fordæma seinagang mennta- og barnamálaráðuneytisins

Fordæma seinagang mennta- og barnamálaráðuneytisins
Fréttir
Fyrir 22 klukkutímum

Páll telur að enn eigi mikið eftir að gerast

Páll telur að enn eigi mikið eftir að gerast
Fréttir
Fyrir 22 klukkutímum

Evrópskir hermenn eiga að tryggja að Rússar ráðist ekki á ný á Úkraínu

Evrópskir hermenn eiga að tryggja að Rússar ráðist ekki á ný á Úkraínu