Orðrómar hafa verið á kreiki um slæma heilsu Pútíns og hefur það vakið athygli að hann er skjálfhentur, andlit hans er oft á tíðum þrútið en það er hugsanlega hægt að skýra með áhrifum lyfja sem eru notuð gegn krabbameini.
Forbes og Vice segja að eitthvað sé hæft í öllum þessum orðrómum því fjallað sé um heilsufar Pútíns í fyrrgreindum leyniskjölum.
Segja miðlarnir að í leyniskjölunum komi einnig fram að Nikolai Patrushev, formaður rússneska öryggisráðsins, og Valery Gerasimov, yfirmaður hersins, hafi í hyggju að steypa Pútín af stóli. Er krabbamein Pútíns sagt hafa haft áhrif á þessar hugleiðingar þeirra.
Eru þeir sagðir ætla að nota stríðið í Úkraínu til að láta forystumenn í Kreml líta illa út í augum almennings með því að skemma fyrir innrásinni í Úkraínu. Nánar tiltekið eru þeir sagðir vilja flytja hersveitir frá Rússlandi til suðurvígstöðvanna. Þetta átti að gerast 5. mars síðastliðinn en þá átti Pútín að gangast undir lyfjameðferð og væri þar með úr leik og gæti ekki komið í veg fyrir áætlanir þeirra.
Þetta eru auðvitað ekki staðfestar upplýsingar en þetta eru bestu vísbendingarnar sem hafa komið fram um að orðrómarnir um heilsufar Pútíns geti verið réttir.
Rússneskir ráðamenn hafa vísað öllum sögusögnum um slæmt heilsufar Pútíns á bug og segja að ekkert ami að honum.
