Héraðssaksóknari hefur ákært rúmlega þrítugan mann fyrir tvö brot gegn valdstjórninni sem hann er sagður hafa framið árin 2020 og 2021.

Maðurinn er margdæmdur, meðal annars fyrir brot gegn fyrrverandi sambýliskonu sinni. Hann er að þessu sinni sakaður um að hafa brotið plexligler-skilrúm á lögreglustöðinnni á Hverfisgötu með þeim afleiðingum að lögreglumaður við skyldustörf slasaðist. Er þessu lýst með eftirfarandi hætti í ákæru héraðssaksóknara:

„Sunnudaginn 12. september 2021, rokið á fætur og ýtt með báðum höndum á skilrúm úr plexigleri, þannig að skilrúmið brotnaði og hluti þess féll niður og hafnaði á
upphandleggjum lögreglumanns B, sem þar var við skyldustörf, en við þetta hrökk hann aftur í sæti sínu, allt með þeim afleiðingum að hann fékk tak í mjóbakið og mar á upphandleggi.“

Hitt ákæruatriðið varðar hótanir gegn lögreglumanni og átti það atvik sér stað um miðjan ágúst árið 2020.

Aðalmeðferð í málinu verður við Héraðsdóm Reykjavíkur þann 25. apríl næstkomandi.