Dómur er fallinn í stóra kókaínmálinu, en sakborningarnir fjórir hluti rétt í þessu þunga dóma og voru dæmdir í fangelsi á bilinu 6-10 ár. mbl.is greinir frá.
Páll Jónsson timbursali hlaut tíu ára fangelsi, hlaut Daði Björnsson sex og hálft ár, Jóhannes Páll Durr hlaut sex ár og Birgir Halldórsson hlaut átta ár.
Lögregla komst á snoðir um málið við skoðun á gögnum í máli sem hefur verið kallað saltdreifaramál þar sem tveir menn voru dæmdir í 12 ára fangelsi, tveir hlutu 10 ár og einn tveggja ára dóm í október í fyrra.
Rannsakaði lögreglan kókaín-málið um nokkurra mánaða skeið og handtók á endanum sakborningana fjóra og voru þeir svo ákærðir fyrir innflutning á tæplega hundrað kílóum af kókaíni sem og peningaþvætti upp á tæpar 63 milljónir króna.
Sjá einnig: Virtir góðborgarar í stærsta kókaínmáli sögunnar – Páll, Daði, Jóhannes og Birgir ákærðir
Kókaínið var falið í timbursendingu en hún var þó haldlögð í Hollandi þar sem efninu var skipt út fyrir gerviefni og sent svo áfram til Íslands. Þar fylgdist lögreglan með þegar menn fjarlægður timbrið úr gámi og fluttu yfir í sendibíl sem lögregla veitti svo eftirför að bensínstöð í Hafnarfirði. Þar hafi annar sakborningur tekið við bílnum og ekið honum að Gjáhellu. Þar kom svo Páll timbursali og fór með hann til baka til að sækja meira timbur í Borgartúni og þaðan í Hafnarfjörð.
Hafði lögregla komið fyrir hlustunarbúnaði í bílnum og voru allir fjórir sakborningarnir handteknir um kvöldið.
Ráða mátti af ákæru málsins að höfuðpaurarnir í málinu hafi sloppið undan lögreglu. Greindu sakborningarnir fjórir frá því að þeir hafi staðið að innflutningi efnanna í félagi við óþekkta aðila sem hafi greitt háar fjárhæðir inn á reikninga þeirra.
Sjá einnig: Harmsaga Páls timbursala – „Ég var í andlegu sjokki, hent inn í einangrun“