Héraðsdóm­ur Reykja­ness hef­ur dæmt karl­mann í 3,5 árs fang­elsi fyr­ir til­raun til mann­dráps á ný­ársnótt 2020 í Reykja­nes­bæ. Fjórir karlmenn voru ákærðir í málinu, tveir þeirra voru sýknaðir, en sá fjórði var dæmd­ur í fimm mánaða skil­orðsbundið fang­elsi. Tveir mannanna eru rúmlega tvítugir og tveir þeirra um fertugt.

Einn ákærðu í málinu og jafnframt þolandi í málinu er einn 25 sakborninga í Bankastræti Club málinu, sem var þingfest í Héraðsdómi Reykjavíkur 21. mars síðastliðinn. Þar er viðkomandi karlmaður ákærður fyrir:

sérstaklega hættulega líkamsárás, með því að hafa í félagi, ruðst grímuklæddir inn á skemmtistaðinn og í sal á neðri hæð skemmtistaðarins, króað af og veist að A, B og C, með eftirfarandi hætti: veist að A með ítrekuðum höggum, spörkum og hnéspörkum í höfuð og búk og stappað með fætinum á höfði hans þar sem hann lá í gólfinu og sparkað í C.

Sjá einnig: Bankastræti Club-árásin þingfest á þriðjudag – Fjölmennt verður í dómssal

Dóminn má lesa í heild sinni hér.

Var um tíma í lífshættu

Fjallað var um hnífaárásina í Reykjanesbæ í fjölmiðlum, meðal annars í Víkurfréttum, en átök tveggja hópa á nýársmorgun áttu sér stað í og fyrir utan heimahús í bænum. 18 ára karlmaður (X í dómi héraðsdóms) var stunginn fimm sinnum í átökunum. Hann var í lífshættu um tíma, missti 4,5 lítra af blóði og gekkst undir yfir fjögurra klukkustunda aðgerð þar sem meðal annars þurfti að fjarlægja úr honum miltað. Í færslu á Instagram þakkaði fyrir batakveðjurnar og segist koma sterkari og vitrari til baka

Einn ákærður fyrir tilraun til manndráps og allir fjórir fyrir sérstaklega hættulegar líkamsárásir

Héraðssak­sókn­ari höfðaði málið á hend­ur mönn­un­um 17. nóv­em­ber. A sem hlaut þyngsta dóminn, var ákærður fyr­ir til­raun til mann­dráps með því að hafa ít­rekað lagt til X með vasa­hníf með 6,3 sm löngu blaði, sem A hafði í vörsl­um sín­um. Hlaut X sam­tals fimm stungu­áverka, þar af einn sem náði inni í kviðar­hol og í gegn­um milta svo fjar­lægja þurfti miltað og ann­an sem olli loft­brjósti.

A var einnig, ásamt Y, ákærður fyrir sérstaklega hættulega líkamsárás með því að hafa í félagi veist að Z og slegið hann ítrekað, með glerflösku og hnefahöggum í höfuðið, ákærði A sparkað í hann og reynt að stinga hann með hníf, allt með þeim afleiðingum að Z hlaut bólgu við kinnbein og á vinstri hlið andlits og 2-3 grunna skurði á fingrum.

Z var ákærður fyrir sérstaklega hættulega líkamsárás, með því að hafa veist að Y og ítrekað slegið hann með glerflösku og hnefahöggum í höfuðið, allt með þeim afleiðingum að Y hlaut bólgu og 1 sm skurð ofan við enni hægra megin á hvirfli, kúlu og hrufl vinstra megin á ehnni, nokkrar minni kúlur aftan á höfði, þar af tvær aftan á hnakka, auk skráma á höfði.

X og Z voru ákærðir fyrir sérstaklega hættulega líkamsárás með því að hafa í félagi veist að A og ítrekað slegið hann, bæði með glerflöskum og hnefahöggum í höfuð og búk, allt með þeim afleiðingum að A hlaut rispur yfir vinstra kinnbeini, nefi, enni og brjóstkassa vinstra megin, skrámu yfir miðjum kvið, bólgu og eynsli yfir nefbeini og höfuðverk.

Metinn sakhæfur

Fram kemur í dómi héraðsdóms að geðrann­sókn var fram­kvæmd á A og leiddi niðurstaða hennar í ljós að ekk­ert benti til þess að hann hefði verið ófær um að stjórna gerðum sín­um á verknaðar­stundu. Hann var því met­inn sak­hæf­ur. Maður­inn hélt því fram að stungu­árás­in hefði helg­ast af neyðar­vörn í kjöl­far átakanna, því hafnaði hafnaði héraðsdóm­ur.
A var eins og áður sagði dæmd­ur í fang­elsi í 3 og hálft ár fyr­ir til­raun til mann­dráps, og var einnig dæmd­ur til að greiða ein­um mann­anna, X, 2,6 millj­ón­ir í bæt­ur auk 400.000 kr. í máls­kostnað.
Z var sakfelldur fyrir líkamsárás og hlaut fimm mánaða skil­orðsbund­inn og var einnig dæmd­ur til að greiða ein­um mannanna, Y, 300.000 kr. í bæt­ur og 250.000 kr. í máls­kostnað.

X og Y voru sýknaðir í málinu.