Það bar helst til tíðinda á kvöld- og næturvakt lögreglunnar á höfuðborgarsvæðinu að eldur kom upp í íbúðarhúsi í Garðabæ. Húsráðanda tókst að slökkva eldinn. Ekki varð mikið tjón af völdum elds en eitthvað af völdum reyks.

Einn var handtekinn á bráðamóttöku Landspítalans í Fossvog en sá lét ófriðlega. Hann var vistaður í fangageymslu.

Einn ökumaður var handtekinn grunaður um að vera undir áhrifum áfengis.

Í Árbæjarhverfi missti ökumaður stjórn á bifreið sinni og valt hún hálfa veltu. Ökumaðurinn meiddist ekki en fjarlægja þurfti bifreiðina með dráttarbifreið.