Á kvöld- og næturvakt lögreglunnar á höfuðborgarsvæðinu bar það helst til tíðinda að ökumaður var handtekinn í Hafnarfirði grunaður um að vera undir áhrifum fíkniefna. Hann er einnig grunaður um vörslu fíkniefna og vopnalagabrot því hann var með piparúða á sér. Hann var vistaður í fangageymslu.

Þá eru tveir aðilar í fangageymslu eftir vaktina en þeir eru grunaðir um að dvelja ólöglega hér á landi. Annar þeirra var handtekinn þegar afskipti voru höfð af honum á Miðborgarsvæðinu vegna gruns um vörslu fíkniefna en við skoðun vaknaði grunur um að hann dvelji ólöglega hér á landi.  Hinn var handtekinn í Kópavogi vegna gruns um vörslu fíkniefna og vaknaði þá grunur um að hann dvelji ólöglega hér á landi.

Tveir ökumenn voru handteknir grunaður um að vera undir áhrifum fíkniefna. Annar þeirra hafði ekið bifreið sinni út af vegi í Háaleitis- og Bústaðahverfi og fest hana í snjóruðningi.

Tilkynnt var um þjófnað úr verslun í Háaleitis- og Bústaðahverfi og var sá grunaði látinn laus að skýrslutöku lokinni.