Hið himinháa orkuverð kemur illa við Slóvakíu eins og fleiri lönd. Eduard Heger, forsætisráðherra landsins, sagði í samtali við Financial Times að hætta sé á að efnahagur landsins hrynji algjörlega vegna orkuverðsins. Hann sagði það vera á góðri leið með að „drepa“ efnahagslífið.

Hann sagði að eina leiðin til að koma í veg fyrir algjört hrun sé að Slóvakía fái milljarða evra í stuðning frá ESB.

Hátt orkuverð er afleiðing stríðsins í Úkraínu og refsiaðgerða Vesturlanda gegn Rússlandi. Heger lagði þunga áherslu á að þrátt fyrir þessa erfiðleika styðji Slóvakía refsiaðgerðirnar heilshugar og bjóði úkraínska flóttamenn velkomna.