fbpx
Sunnudagur 23.febrúar 2025
Fréttir

Stórsókn Úkraínumanna í Kherson er hafin – Segjast hafa brotist í gegnum varnarlínu Rússa

Kristján Kristjánsson
Þriðjudaginn 30. ágúst 2022 05:57

Úkraínskur hermaður. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Úkraínumenn segja að í gær hafi boðuð stórsókn þeirra í Kherson hafist. Markmiðið er að hrekja rússneska innrásarliðið á brott frá héraðinu og borginni Kherson en hún er eina stóra borgin sem Rússar hafa náð á sitt vald.

Það er því hart barist í Kherson núna en bæði héraðið og borgin bera sama nafn en borgin er höfuðstaður héraðsins. BBC segir að úkraínski herinn segist hafa brotist í gegnum fyrstu varnarlínu Rússa. Úkraínumenn segjast einnig hafa hrundið tilraunum Rússa til að gera gagnárásir.

Rússneski herinn viðurkenndi í gær að Úkraínumenn hefðu hafið sókn en sögðu að hún hefði mistekist og að Úkraínumenn hefðu orðið fyrir miklu tjóni.

Sky News segir að rússneski ríkisfjölmiðillinn RIA Novosti hafi sagt að Úkraínumenn hafi gert árásir á Nova Kakhova, sem er á valdi Rússa, og hafi eyðilagt vatns- og rafmagnslagnir til bæjarins.

CNN hefur eftir heimildarmanni í úkraínska hernum að úkraínskar hersveitir hafi náð fjórum bæjum, sunnan við Kherson, á sitt vald og hrakið Rússa þaðan. Hafi Rússarnir lagt á flótta ásamt aðskilnaðarsinnum frá Donetsk og Luhansk. Sagði heimildarmaðurinn að varnarlína Rússa hafi verið rofinn á þremur stöðum og að bæirnir Nova Dmytrivka, Arkhanhel‘s‘ke, Tomyna Balka og Pravdyne hafi verið frelsaðir úr höndum Rússa. Aðalmarkmiðið sé enn að ná borginni Kherson úr höndum Rússa.

Í daglegri stöðuskýrslu breska varnarmálaráðuneytisins frá í morgun kemur fram að Úkraínumenn hafi hert stórskotaliðsárásir sína í suðurhluta Úkraínu í gærmorgun og haldi uppi flugskeytaárásum á flutningslínur Rússar. Segir ráðuneytið að ekki sé enn hægt að staðfesta hvernig sókn Úkraínumanna gengur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Íslendingar lýsa hvernig þeir svindluðu á prófi – „Að sitja fremst þýddi líka að kennarinn grunaði mig aldrei“

Íslendingar lýsa hvernig þeir svindluðu á prófi – „Að sitja fremst þýddi líka að kennarinn grunaði mig aldrei“
Fréttir
Fyrir 2 dögum

Dóri DNA á tímamótum – „Það vorkennir manni enginn“

Dóri DNA á tímamótum – „Það vorkennir manni enginn“
Fréttir
Fyrir 2 dögum

Fjörugar athugasemdir eftir kvörtun miðborgarbúa vegna hávaða, hrópa og úrgangslosunar – „Costco er bæði með partýbleyjur og poka“

Fjörugar athugasemdir eftir kvörtun miðborgarbúa vegna hávaða, hrópa og úrgangslosunar – „Costco er bæði með partýbleyjur og poka“
Fréttir
Fyrir 2 dögum

Börnum í Breiðholtsskóla stíað í sundur – „Reyndur skólamaður“ ráðinn til að taka á ástandinu

Börnum í Breiðholtsskóla stíað í sundur – „Reyndur skólamaður“ ráðinn til að taka á ástandinu
Fréttir
Fyrir 2 dögum

Lokaði augunum og keyrði á hringtorg

Lokaði augunum og keyrði á hringtorg
Fréttir
Fyrir 3 dögum

Sambýlismaður yfirmanns sorpmála var ráðinn sem ráðgjafi við breytingar á sorphirðukerfi Akureyrar – Sviðsstjóri játar mistök

Sambýlismaður yfirmanns sorpmála var ráðinn sem ráðgjafi við breytingar á sorphirðukerfi Akureyrar – Sviðsstjóri játar mistök