fbpx
Föstudagur 25.apríl 2025
Fréttir

„Þessi órói bendir til að það sé ekkert langt í gos“

Kristján Kristjánsson
Þriðjudaginn 2. ágúst 2022 05:47

Frá gosinu á síðasta ári. Mynd: Sigtryggur Ari

Ekki missa af Helstu tíðindum dagsins í pósthólfið þitt

Lesa nánar

Jörð hefur skolfið á suðvesturhorninu, aðallega Reykjanesi, síðan á laugardag þegar jarðskjálftahrina hófst á Reykjanesskaga. Í gærkvöldi höfðu rúmlega 10.000 skjálftar mælst, þar af margir öflugir.

Öflug hrina reið yfir suðvesturhornið í gærkvöldi og var sterkasti skjálftinn 5 að stærð.

„Þessi órói bendir til að það sé ekkert langt í gos,“ sagði Þorvaldur Þórðarson, prófessor í eldfjallafræði við Háskóla Íslands, í samtali við Morgunblaðið.

Hann sagðist vonast til að ekki gjósi en allar líkur séu hins vegar á að það gerist en hvenær og hvar sé óvíst. Hann sagði líklegra að gos hefjist í haust en núna og að langlíklegast komi gosið upp þar sem óróinn er mestur. Mesta skjálftavirknin hefur verið vestan við Þorbjörn, austnorðaustur af Grindavík og við Fagradalsfjall.

Þorvaldur sagði mikilvægt að landsmenn átti sig á að nú sé nýtt gostímabil hafið. Slík tímabil séu 200 til 400 ára löng.

Hann sagði að eldgosasaga Reykjaness sýni að þar sé eldvirknin í syrpum af eldgosum sem kallast eldar. „Tveir síðustu eldar stóðu yfir í 30 ár. Það þýðir ekki að það hafi verið samfellt gos, heldur gaus mörgum sinnum á því tímabili,“ sagði hann og sagði ekki ólíklegt að þetta mynstur haldi áfram.

Hann sagði mikilvægt að hafa í huga að mjög ólíklegt sé að eldgos á þessu svæði verði mannskæð. Þetta séu frekar kraftlítil hraungos.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Akranes tekur milljarð í skammtímalán

Akranes tekur milljarð í skammtímalán
Fréttir
Í gær

Helgi lögreglustjóri hellir úr skálum reiði sinnar – „Embættið er ekki vant að tjá sig um niðurstöðu mála“

Helgi lögreglustjóri hellir úr skálum reiði sinnar – „Embættið er ekki vant að tjá sig um niðurstöðu mála“
Fréttir
Í gær

Lögregla varar við svikum – „Textinn er áhugaverður svo ekki sé meira sagt“

Lögregla varar við svikum – „Textinn er áhugaverður svo ekki sé meira sagt“
Fréttir
Í gær

Pútín lætur reyna á NATÓ við finnsku landamærin

Pútín lætur reyna á NATÓ við finnsku landamærin