Óskarsverðlaunahafinn Kevin Spacey neitaði sök fyrir dómi í London í morgun. Spacey var ákærður fyrir fjögur kynferðisbrot gegn þremur karlmönnum en auk ákæru þar sem hann er sakaður um að hafa haft kynferðismök við einstakling án samþykkis.

Brotin eru sögð hafa átt sér stað á árunum 2005, 2008 og 2013 og öll á Bretlandseyjum.

Löng bið verður þó þar til réttað verður í málunum en réttarhöldin munu hefjast þann 6. júní 2023. Gert er ráð fyrir að þau muni vara í 3-4 vikur.

Spacey hefur tvisvar sinnum hlotið óskarsverðlaun fyrir hlutverk sín í myndunum The Usual Suspect og American Beauty. Þá hefur hann slegið í gegn í aðalhlutverki sjónvarpsþáttanna House of Cards.