Sky News segir að samkvæmt fréttum rússneskra ríkisfjölmiðla hafi það verið elsta dóttir hjónanna, Annastasis 26 ára, sem fann líkin. Hún hafði ekki náð sambandi við fjölskylduna og fór því til að kanna með hana og fann þau öll látin.
Svo virðist sem Avayev, sem var vinur Vladímír Pútíns og fyrrum embættismaður í Kreml, hafi skotið mæðgurnar áður en hann skaut sjálfan sig.
Lögreglan segist vera að rannsaka hvort málið tengist vinnu Avayev eða einkalífi hans.
Á heimilinu fundust 13 skotvopn, þar á meðal eitt sem var í hönd Avayev, en fjölskyldan bjó í lúxusíbúð á fjórtándu hæð. Íbúðin er er metin á margar milljónir dollara.
Avayev var áður varaformaður stjórnar Gazprombank sem er stærsti banki Rússlands. Hann hætti skyndilega störfum þar, sagði sjálfur upp. Hann var einnig í mikilvægri stöðu innan stjórnar Pútíns en þar stýrði hann mikilvægri deild að sögn Sky News.
Margar kenningar hafa verið settar fram um ástæðu harmleiksins. Þar á meðal hefur því verið varpað fram að Avayev hafi myrt mæðgurnar því hann hafi verið reiður yfir því að Yelena hafi verið barnshafandi eftir bílstjóra fjölskyldunnar. En misvísandi fréttir hafa borist af því hvort hún hafi í raun verið barnshafandi.
Nágranni fjölskyldunnar sagði að hugsanlega hafi Avayev og fyrirtæki hans átt í fjárhagserfiðleikum vegna refsiaðgerða Vesturlanda gegn Rússlandi.
Annar nágranni fullyrti að Avayev hafi ekki verið fær um að fremja morð og sagðist telja að fjölskyldan hafi verið myrt. „Hann var nörd. Hann hafði enga ástæðu til að gera þetta. Hann var ríkur, snjall. Það er útilokað að maður af því tagi fremji morð,“ sagði nágranninn og bætti við að hugsanlega hafi fjölskyldan verið myrt.
