fbpx
Fimmtudagur 27.febrúar 2025
Fréttir

Leit stendur yfir að týndri flugvél: Sjaldgæft að flugvélar séu týndar svona lengi

Ritstjórn DV
Fimmtudaginn 3. febrúar 2022 14:35

Myndin er úr safni

Ekki missa af Helstu tíðindum dagsins í pósthólfið þitt

Lesa nánar

Umfangsmikil leit lögreglu og Landhelgisgæslunnar stendur yfir að lítilli flugvél sem fór frá Reykjavík upp úr klukkan tíu í morgun og hefur ekkert spurst til hennar.

Vísir.is greinir frá.

Um borð í flugvélinni eru flugmaður og þrír farþegar.

Þyrla Landhelgisgæslunnar er á sveimi yfir Hveragerði í  leit að vélinni og Björgunarsveitir á Suðurnesjum hafa verið ræstar út.

Uppfært kl. 14:48:

 Í textalýsingu Vísis kemur fram að síðasta þekkta staðsetning flugvélarinanr var við Heiðmörk, stuttu eftir að hún fór frá Reykjavík. Allar björgunarsveitir á Suðurnesjum, höfuðborgarsvæðinu og Árnessýslu hafa verið kallaðar út til leitar. Landhelgisgæslan og lögreglan rannsaka atvikið og reyna að þrengja leitarhringinn fyrir björgunarsveitirnar.

Uppfært kl. 15:57: 

Vísir greinir frá því að leitarsvæðið sé vestur af Úlfljótsvatni og suður af Þingvallavatni. Er það mat byggt á farsímagögnum og fremur slitróttum staðsetningargögnum.

Uppfært kl. 17:16:

Samkvæmt Vísi flaug flugvél danska flughersins yfir leitarsvæðið fyrr í dag. Flugvélin varð því miður ekki vör við neitt. Ásgeir Erlendsson, upplýsingafulltrúi Landhelgisgæslunnar, segir í samtali við Vísi að búið sé að ákveða að fjölga björgunarsveitarmönnum og að leitarsvæðið sé ennþá mjög stórt.

Uppfært kl. 18:14:

Búið er að fjölga björgunarsveitarfólki en nú taka um 400 manns þátt í leitinni og von er á fleirum. Ásgeir hjá Landhelgisgæslunni segir í samtali við Vísi að enn sé aðallega verið að leita á svæðinu suður af Þingvallavatni. „Það er auðvitað ekkert útilokað, en þetta er miðað við helstu vísbendingar,“ segir hann.

Uppfært kl. 18:38:

Flugmenn sem voru á flugi við Reykjanesskaga heyrðu boð frá neyðarsendi nú síðdegis. Ásgeir staðfestir þetta í samtali við fréttastofu Vísis. Hann segir að þyrlu Landhelgisgæslunnar verði flogið þangað sem heyrðist í neyðarsendinum en hann er óstaðsettur. Vonast er til þess að þyrlan nemi merki frá sendinum.

Uppfært kl. 19:52:

Ásgrímur Ásgrímsson, framkvæmdastjóri hjá Landhelgisgæslunni, greindi frá því í kvöldfréttum RÚV að þyrla Landhelgisgæslunnar hafi ekki náð að nema merki frá neyðarsendinum.

Þá ræddi RÚV einnig við Ragnar Guðmundsson hjá rannsóknarnefnd samgönguslysa en hann sergir nefndina vera tilbúna að bregðast við, það sé þó ekki gert fyrr en vélin finnst. Ragnar segir það afar sjaldgæft að flugvélar séu týndar svona lengi.

Fréttin verður uppfærð

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 9 klukkutímum

Fiskikóngurinn hefur ekkert að fela -„Það skíta allir upp á bak, bara spurning hvernig þú skeinir þér, ég er mjög vel skeindur“

Fiskikóngurinn hefur ekkert að fela -„Það skíta allir upp á bak, bara spurning hvernig þú skeinir þér, ég er mjög vel skeindur“
Fréttir
Fyrir 10 klukkutímum

Þurfum við íslenskan her? Ólína segir að herleysi sé einmitt styrkur Íslendinga

Þurfum við íslenskan her? Ólína segir að herleysi sé einmitt styrkur Íslendinga
Fréttir
Fyrir 21 klukkutímum

Haaland snéri aftur og tryggði sigur – Hörmungar Arsenal og Maguire hetja United

Haaland snéri aftur og tryggði sigur – Hörmungar Arsenal og Maguire hetja United
Fréttir
Í gær

Afmyndaðist eftir fjögurra ára kókaínnotkun – „Mér hryllti við útliti mínu“

Afmyndaðist eftir fjögurra ára kókaínnotkun – „Mér hryllti við útliti mínu“
Fréttir
Í gær

Segir ámælisvert að ekki sé búið að banna umskurð drengja á Íslandi

Segir ámælisvert að ekki sé búið að banna umskurð drengja á Íslandi
Fréttir
Í gær

Bjarni Már segir að Íslendingar þurfi að stofna her og leyniþjónustu

Bjarni Már segir að Íslendingar þurfi að stofna her og leyniþjónustu