Mikið hefur verið rætt um snjómokstur í borginni undanfarna daga eftir að jólasnjórinn mætti með liðstyrk um helgina og hefur síðan þá verið að hrekkja Íslendinga með því að gera hvern veginn eftir öðrum ófæran og jafnvel heilu hverfin það erfið að enginn kemst í gegnum þau nema upphækkaðir fjórhjóladrifnir jeppar og svo fuglinn fljúgandi.

Gunnar Rúnar Sveinbjörnsson, upplýsingafulltrúi lögreglunnar á höfuðborgarsvæðinu, er íbúi í Reynisvatnsási í Reykjavík og hann segist vera búinn að fá nóg af aðgerðarleysi borgarinnar í snjómokstri.

Hann ritar grein um málið sem birtist hjá Vísi.

„Enn eina ferðina er allt í rugli þegar snjómokstur í Reykjavík er annars vegar og sem fyrr er borgarstjórnarmeirihlutinn algjörlega úti á túni í þessu máli sem mörgum öðrum.“

Viðtalið eins og grínatriði úr Fóstbræðrum

Gunnar Rúnar segir að formaður umhverfis- og skipulagsráðs, Alexandra Briem, hafi mætt í beina útsendingu á RÚV á sunnudaginn og sagt þar að taka ætti allar húsagötur og ryðja síðar þann daginn. Það hafi þó ekki gengið eftir. Telur Gunnar að borgarstjóri ætti kannski að hringja í nágrannasveitarfélög og spyrja þau hvernig þau fóru að því að verða sér úti um snjóruðningstæki.

„Það er ljóst að kjörnir fulltrúar okkar þurfa hjálp. Dæmin sanna að þeir eru ófærir um að bregðast við snjókomu og ófærð, sem þó er árlegur viðburður í borginni. Fólk er ekki búið að gleyma getuleysi borgaryfirvalda síðasta vetur. Þá var ástandið líka hörmulegt.“

Gunnar Rúnar furðar sig líka á ummælum Alexöndru Briem um stýrihóp um endurskoðun á þjónustuhandbók vetrarþjónustu hjá Reykjavíkurborg.

„Viðtalið var annars eins og grínskets úr Fóstbræðrum, sem verður ekki alveg eins fyndið þegar áhorfendur sitja fastir heima hjá sér í ófærðinni. Besti vinur aðal, Einar Þorsteinsson, er álíka brattur í ófærðinni og aðrir í borgarstjórnarmeirihlutanum og mætti í Bylgjuna á mánudagsmorgun og sagði moksturinn ganga ágætlega. Og gat þess líka að það væri búið að skafa götuna hjá honum. Talandi um að strá salti í sárin.“ 

Er það óeðlileg krafa?

Gunnar Rúnar er, eins og áður segir, íbúi í Reynisvatnsási. Tvær akstursleiðir séu inn í hverfið og báðar um Haukdælabraut sem liggi í einskonar boga í gegnum hverfið. Arðar götur séu botnlangar. Því sé nauðsynlegt að Haukdælabrautin sé mokuð.

„Að sjá þar snjóruðningstæki á vegum borgarinnar er hins vegar ólíklegra heldur en að sjá geirfugl. Þeir íbúar sem þó ná að moka sig út úr öðrum götum og botnlöngum í hverfinu eru jafn fastir og áður. Þessu verður að breyta strax og setja þann hluta Haukdælabrautar í forgang sem tengir hana við aðrar götur og botnlanga. Að öðrum kosti sitja allir fastir í hverfinu.“ 

Gunnar Rúnar segist nú vera á fjórða degi ófærðar og sé ástandið farið að reyna á þolinmæðina. Varla geti það ver að biðja um of mikið að ætlast til þess að borgin sinni snjómokstri.

„Og þá er ég ekki að tala um mokstur húsagatna. Það væri líklega of langt gengið. Heldur bara gatna til að komast út úr hverfum borgarinnar. Er það, eitt og sér, óeðlileg krafa?“

Í raun hafa ummæli Alexöndru Briem um stýrihópin vakið töluverða athygli. En fréttastofa RÚV ræddi við Alexöndru á sunnudag og þar lét hún þau ummæli falla að borgin væri með stýrihóp sem hefði þann tilgang að endurskoða þjónustuhandbók vetrarþjónstu hjá borginni. Viðtalið má sjá hér.

Íbúar Reykjavíkur: Getiði plís mokað göturnar okkar!!

Reykjavíkurborg: Við erum með stýrihóp um endurskoðun á þjónustuhandbók vetrarþjónustu hjá Reykjavíkurborg. pic.twitter.com/sTBRsymeyT

— Sigurgeir Jónasson (@sgeiri) December 19, 2022

Eins gott að það gangi vel hjá @reykjavik að “stofna stýrihóp um endurskoðun á handbók um vetrarþjónustu” pic.twitter.com/avFOe8rW1Y

— Davíð Már (@DavidMarKrist) December 21, 2022

Þarf að skipta um á rúminu mínu, veit ekki alveg hvenær ég geri það er með stýrihóp um endurskoðun á þjónustuhandbók um þrif og umskipti á rúmum heima hjá mér.

— Drunklexander Aron (@AlexanderAronG) December 19, 2022

Var að skipa stýrihóp um endurskoðun á handbók um óhóflegt snakk- og nammiát Árna Helgasonar fyrir framan sjónvarpið á kvöldin. Hef með öðrum orðum keypt mér tíma langt fram á næsta ár.

— Árni Helgason (@arnih) December 20, 2022

Fyndnasta og píratalegasta sem ég hef heyrt https://t.co/nvcGq8eUXY

— Katrín Atladóttir (@katrinat) December 18, 2022

Snjórinn heldur áfram að gefa. Nú gaf hann okkur enn einn stýrihópinn í borginni! Stýrihóp sem segir, mikill snjór margir moka!

— kristinn Karl Brynjarsson (@KarlBrynjarsson) December 18, 2022

Í síðasta bóka- og menningarblaði Stundarinnar fyrir jól verður dómur um þjónustuhandbók vetrarþjónustu hjá Reykjavíkurborg. Stjörnugjöfin mun koma á óvart! @stundin kemur á morgun…

— Aðalsteinn (@adalsteinnk) December 20, 2022

Bað soninn um að taka til í herberginu sínu. Eitt af því sem hann var að skoða var stýrihópur um endurskoðun á þjónustuhandbók herbergistiltektar barnaherbergisins. Þar með var það útrætt.

— Jóhann Óli Eiðsson (@jedissson) December 20, 2022

Jólabókin í ár verður þjónustuhandbók Reykjavíkurborgar. Bókin er í vinnslu.

— Svanur (@svanur) December 19, 2022