Ráðuneytið segir að orustan um Bakhmut sé ekkert annað en orusta þar sem spurningin sé hvor aðilinn haldi lengur út. Segir ráðuneytið að Wagner-hópurinn hafi þróað ákveðna sóknaraðferð.
Hún gengur út á að sá mikli fjöldi fanga, sem hafa verið fengnir til liðs við hópinn, eru notaðar í bardögunum um bæinn. Segir ráðuneytið að óreyndir fangar séu sendir í fremstu víglínu, líklega með snjallsíma eða spjaldtölvu sem sýna þá leið sem þeir eiga að fara, á meðan yfirmenn eru í skjóli og gefa þeim fyrirmæli þaðan en þeir eru taldir nota dróna til að fylgjast með ferðum undirmanna sinna.
Latest Defence Intelligence update on the situation in Ukraine – 19 December 2022
Find out more about the UK government's response: https://t.co/E7U3CGkr8J
🇺🇦 #StandWithUkraine 🇺🇦 pic.twitter.com/RkWjJWTZgF
— Ministry of Defence 🇬🇧 (@DefenceHQ) December 19, 2022
Ef fangarnir fara út af þeirri leið, sem þeir eiga að nota, er þeim líklega hótað aftöku að sögn ráðuneytisins.
Oft eru nýliðarnir að sögn sendir vopnaðir af stað en sjaldan í samfloti við brynvarin ökutæki.
Segir ráðuneytið þessa aðferð grimmdarlega því markmiðið með henni sé að vernda reynda yfirmenn og brynvarin ökutæki sem eru að sögn af skornum skammti. Er föngunum því einfaldlega fórnað.
