fbpx
Fimmtudagur 03.apríl 2025
Fréttir

Áróðursmeistari Pútíns hvetur til árása á Noreg

Kristján Kristjánsson
Föstudaginn 2. desember 2022 07:02

Vladimir Solovyov

Ekki missa af Helstu tíðindum dagsins í pósthólfið þitt

Lesa nánar

Margir af áróðursmeisturum og stuðningsmönnum Vladímír Pútíns, Rússlandsforseta, fara mikinn í spjallþáttum í rússnesku sjónvarpi þessa dagana. Eflaust fer það illa í þá að hernaður Rússa í Úkraínu gengur illa og að þar hafa þeir verið niðurlægðir hvað eftir annað.

Einn þessara áróðursmeistara er Vladimir Solovyov. Hann stýrir umræðuþáttum á Russia-1 sjónvarpsstöðinni. Þar hvetur hann reglulega til notkunar kjarnorkuvopna í Úkraínu og að ráðist verði á Eystrasaltsríkin og Pólland.

Solovyov er orðinn einhverskonar óopinber talsmaður innrásarinnar í Úkraínu og það er frekar regla en undantekning að hann prediki um dauða og eyðileggingu yfir Vesturlöndum í þætti sínu „Kvöldið með Vladimir Solovyov“.

En í vikunni færðist hann enn frekar í aukana og hvatti til árás á Noreg. Dagbladet skýrir frá þessu.

Hann sagði þá að Frakkar standi nú naktir og geti þakkað Emmanuel Macron, forseta, það vegna stuðnings þeirra við Úkraínu í stríðinu. Því næst beindi hann orðum sínum að Jens Stoltenberg, framkvæmdastjóra NATO: „Hvaðan er Stoltenberg? Noregi? Skjótið á þá! Er hann norskur eða danskur?“ sagði hann.

Arne Bård Dalhaug, fyrrum hershöfðingi í norska hernum, sagðist í samtali við Dagbladet ekki hafa miklar áhyggjur af þessum ummælum. Hann sagðist telja það algjörlega óraunhæft að Rússar ráðist á Noreg en þetta bætist í safn óábyrgra ummæla sem rússneskir stjórnmálamenn hafa beint að Noregi. Hann sagði að ummæli Solovyov séu frekar einhverskonar „meðal innanlands“ til að vinna gegn andstöðu almennings við stríðið frekar en að þau séu stefna rússnesku stríðsvélarinnar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 14 klukkutímum

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“
Fréttir
Fyrir 15 klukkutímum

Mótmæla frumvarpi um rekstur líkhúsa – Sé ekkert annað en skattlagning á dánarbú

Mótmæla frumvarpi um rekstur líkhúsa – Sé ekkert annað en skattlagning á dánarbú
Fréttir
Fyrir 18 klukkutímum

Fá ekki greitt fyrir óunna yfirvinnu úr þrotabúi Skagans 3X

Fá ekki greitt fyrir óunna yfirvinnu úr þrotabúi Skagans 3X
Fréttir
Fyrir 19 klukkutímum

Fordæma seinagang mennta- og barnamálaráðuneytisins

Fordæma seinagang mennta- og barnamálaráðuneytisins
Fréttir
Fyrir 22 klukkutímum

Páll telur að enn eigi mikið eftir að gerast

Páll telur að enn eigi mikið eftir að gerast
Fréttir
Fyrir 22 klukkutímum

Evrópskir hermenn eiga að tryggja að Rússar ráðist ekki á ný á Úkraínu

Evrópskir hermenn eiga að tryggja að Rússar ráðist ekki á ný á Úkraínu