Feðgar sem komu að stofnun fiskútflutningsfyrirtækisins Arctic Ocean Seafood voru síðastliðið sumar dæmdir fyrir aðild að umfangsmikilli kannabisframleiðslu og peningaþvætti. Kjarninn greinir frá þessu.

Kjarnamenn hafa komist að því að sakborningar í nafnhreinsuðum dómi Héraðsdóms Reykjavíkur í málinu séu í reynd þeir Hákon Elfar Guð­munds­son, Fannar Örn Hákon­ar­son og Ómar Hákon­ar­son. Málið hefur verið gífurlega lengi í rannsókn en það kom upp árið 2016. Ári síðar stofnuðu feðgarnir fiskútflutningsfyrirtækið Arctic Ocean Seafood en það hefur undanfarin tvö ár velt tæplega tveimur milljörðum króna, samkvæmt frásögn Kjarnans.

Dóminn í málinu má lesa hér.

Sem fyrr segir kom kannabismál feðganna upp árið 2016. Voru gerðar upptækar á sjötta hundað kannabisplöntur, rúm 9 kg af tilbúnum kannabisefnum, yfir 17 kg af kannabislaufum og 110 gróðurhúsalampar auk annars búnaður sem notaður er við framleiðslu kannabisefna. Ræktunin fór fram á Smiðjuvegi í Kópavogi.

Í frétt Kjarnans segir ennfremur:

„Árið 2017, eða árið eftir að feðgarnir þrír sættu gæslu­varð­haldi fyrir kanna­bis­fram­leiðsl­una, stofn­uðu þeir fyr­ir­tækið Arctic Ocean Seafood, sem sam­kvæmt vef­síðu fyr­ir­tæk­is­ins flytur nú út ýmsar fisk­teg­undir frá Íslandi um allan heim.

Sam­kvæmt árs­reikn­ingi fyr­ir­tæk­is­ins árið 2017 átti hver þeirra þriggja um þriðj­ungs­hlut í félag­inu, en í árs­reikn­ingnum ári seinna var eig­in­kona Hákons orð­inn eini hlut­haf­inn í félag­inu og hefur hún verið það síð­an.“