Í samtali við Sky News sagði hann að það sé ólíklegt að Pútín beiti vígvallarkjarnorkuvopnum en hann haldi áfram að gera það ólíklega. „Ég held því að við getum ekki gengið út frá því að hann muni ekki nota vopn af þessu tagi,“ sagði Bretton-Gordon.
Hann benti á að Pútín hafi sett Sergei Surovikin, sem er þekktur sem „Heimsendahershöfðinginn“, yfir rússneska herinn í Úkraínu. Surovikin stýrði áður rússneska hernum í Sýrlandi og er talinn bera ábyrgð á óhæfuverkum hans þar.
Bretton-Gordon sagði að þótt það væri „klikkun“ af hálfu Rússa að beita efnavopnum eða kjarnorkuvopnum þá verði að taka þá alvarlega.
„Nýlega umræða um „skítugar sprengjur“ er eitt það mikilvægasta sem við verðum að einblína á af því að Pútín hefur sagt að hann ætli að slökkva ljósin og skrúfa fyrir hitann í Úkraínu. Árásirnar síðustu daga hafa staðfest það. í upphafi stríðsins kom 60% af rafmagninu og hitanum frá kjarnorku. Ég hef miklar áhyggjur af að Rússar séu að tapa stríðinu og að Pútín hafi ekki efni á að tapa því,“ sagði hann.
Hann sagðist telja að mesta hættan sé að slökkt verði á orkugjöfum og þar með kjarnorkuverum eins og Pútín hafi sagst ætla að gera. „Til að gera það verður hann að sprengja þau eða kveikja í þeim,“ sagði hann.
