fbpx
Föstudagur 25.apríl 2025
Fréttir

Getur gosið án fyrirvara á Reykjanesi

Kristján Kristjánsson
Miðvikudaginn 5. janúar 2022 06:59

Gos í Fagradalsfjalli. Veðurstofan

Ekki missa af Helstu tíðindum dagsins í pósthólfið þitt

Lesa nánar

Síðustu daga hefur verið lítið um jarðskjálfta á Reykjanesi miðað við vikurnar á undan. En þetta getur alveg eins verið svikalogn segir Kristín Jónsdóttir, hópstjóri náttúruvárvöktunar Veðurstofunnar.

Fréttablaðið skýrir frá þessu í dag. „Við eigum alveg eins von á eldgosi án fyrirvara, úr því sem komið er,“ er haft eftir henni.

Hún sagði að jarðvísindamenn fylgist náið með framvindu mála og þá ekki síst í ljósi þess að upptök skjálftavirkninnar séu við yfirborðið, á um tveggja kílómetra dýpi, í námunda við efstu lögin sem jarðhræringar geta átt sér stað í.

Þorvaldur Þórðarson, prófessor í bergfræði og eldfjallafræði við Háskóla Íslands, sagði að atburðarásin á síðustu dögum síðasta árs væri endurtekningu frá því sem gerðist í skjálftavikunum í mars á síðasta ári en þær reyndust aðdragandi þess að gos hófst 19. mars. Líklegt sé að þessi endurtekning sé fyrirboði þess sem koma skal því eldgosahrina sé hafin á svæðinu eftir 800 ára hlé. „Atburðarásin núna er svipuð og fyrir ári – og líkur benda til þess að svona verði þetta næstu árin, það skiptist á skjálftahrinur í nokkrar vikur, lítil eldgos sem vari í nokkra mánuði og svo komi eitthvert hlé á undan næstu hrinu,“ sagði hann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Kynferðisbrotamaður framseldur frá Íslandi – Dæmdur fyrir brot gegn barnungri stúlku í heimalandinu

Kynferðisbrotamaður framseldur frá Íslandi – Dæmdur fyrir brot gegn barnungri stúlku í heimalandinu
Fréttir
Fyrir 2 dögum

Guðni rifjar upp samtal: „Við hlustuðum ekki frekar en fyrri daginn“ – Segir lýsingar Úlfars vera sláandi

Guðni rifjar upp samtal: „Við hlustuðum ekki frekar en fyrri daginn“ – Segir lýsingar Úlfars vera sláandi
Fréttir
Fyrir 2 dögum

Musk er í miklum mótvindi

Musk er í miklum mótvindi
Fréttir
Fyrir 2 dögum

Rússar segjast vera að hjálpa særðum hermönnum sínum – En tilgangurinn er skelfilegur

Rússar segjast vera að hjálpa særðum hermönnum sínum – En tilgangurinn er skelfilegur