fbpx
Þriðjudagur 16.júlí 2024
Fréttir

Erum að auka möguleika okkar á að verða raðglæpamenn segir Kári um nýja könnun ÍE

Kristján Kristjánsson
Þriðjudaginn 11. janúar 2022 08:00

Kári Stefánsson Mynd/GVA

Ekki missa af Helstu tíðindum dagsins í pósthólfið þitt

Lesa nánar

Íslensk erfðagreining (ÍE) hefur fljótlega nýja könnun þar sem raunveruleg útbreiðsla kórónuveirunnar í samfélaginu verður rannsökuð. Að sögn Kára Stefánssonar, forstjóra ÍE, verður þessi könnun sambærileg þeirri sem var gerð í apríl 2020 en hann telur að veiran sé komin mjög víða í samfélaginu.

Morgunblaðið skýrir frá þessu. Fram kemur að slembiúrtak fólks af höfuðborgarsvæðinu verði boðað í sýnatöku í Turninum í Kópavogi. Þar sem talið er að mjög margir hafi smitast af veirunni er talið að 500-1.000 manna úrtaka muni duga í könnunina en velgengni hennar stendur og fellur með vilja fólks til að mæta í sýnatöku.

Haft er eftir Kára að mótefnamælingin og greiningin taki skamman tíma. Síðan er hugmyndin að gera aðra svona skimun eftir einn mánuð og skima þá sama fólkið til að kanna hvort útbreiðsla veirunnar hafi breyst. „Spurningin sem við leitum svara við er hversu víða veiran hefur farið. Ef þú smitast og verður lítið lasinn eða ert einkennalaus þá er erfitt að finna þetta. Þegar við könnuðum þetta 2020 reyndust tvisvar sinnum fleiri hafa smitast en ætla mátti af PCR-prófum,“ er haft eftir Kára.

Hann sagði einnig að vegna fjölda bólusetninga og nýrra afbrigða veirunnar megi reikna með að enn stærri hundraðshluti en áður hafi smitast án þess að hafa hugmynd um það og sé einkennalaus. „Ég held að það skipti sköpum fyrir okkur að vita hvort það sé raunverulega miklu stærri hundraðshluti fólks sem hefur smitast af veirunni en talið er. Ef svo er fer maður að velta því fyrir sér hvort þær aðgerðir sem við erum með í gangi núna séu réttar. Niðurstöður þessarar rannsóknar geta reynst mikilvægar fyrir sóttvarnayfirvöld,“ er einnig haft eftir honum.

Hann sagði einnig að könnunin sé sams konar og sú sem Persónuvernd hefði úrskurðað að hefði brotið í bága við lög. „Við hér í Vatnsmýrinni erum því að auka möguleika okkar á því að verða raðglæpamenn,“ sagði Kári.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 19 klukkutímum

Íslendingur fannst látinn á Spáni

Íslendingur fannst látinn á Spáni
Fréttir
Fyrir 20 klukkutímum

Bæjarfulltrúi Sjálfstæðisflokksins styður ekki Coda Terminal verkefnið við Vellina – Þyrfti aðkomu minnihlutans til að koma málinu í gegn

Bæjarfulltrúi Sjálfstæðisflokksins styður ekki Coda Terminal verkefnið við Vellina – Þyrfti aðkomu minnihlutans til að koma málinu í gegn
Fréttir
Fyrir 2 dögum

Gangandi fólk kemst ekki lengur eftir gangstéttum í Norðurmýri – Bílastæðavandinn mikill

Gangandi fólk kemst ekki lengur eftir gangstéttum í Norðurmýri – Bílastæðavandinn mikill
Fréttir
Fyrir 2 dögum

Harmleikur í hitabylgju – Gleymdi tveggja ára dóttur sinni úti í bíl með hræðilegum afleiðingum

Harmleikur í hitabylgju – Gleymdi tveggja ára dóttur sinni úti í bíl með hræðilegum afleiðingum
Fréttir
Fyrir 3 dögum

Hlaut lífstíðarfangelsi fyrir ráðabrugg um að nauðga og drepa eina skærustu sjónvarpsstjörnu Breta

Hlaut lífstíðarfangelsi fyrir ráðabrugg um að nauðga og drepa eina skærustu sjónvarpsstjörnu Breta
Fréttir
Fyrir 3 dögum

Guðmundur Ingi segir verið að hafa almenning að fíflum

Guðmundur Ingi segir verið að hafa almenning að fíflum