fbpx
Fimmtudagur 13.mars 2025
Fréttir

Guðbjörg kvartaði undan kynferðislegri áreitni – Segir að Hafnarfjarðarbær hafi þaggað málið niður og bolað henni úr starfi

Kristján Kristjánsson
Fimmtudaginn 15. september 2022 06:42

Guðbjörg Gígja Kristjánsdóttir. Mynd:Sigtryggur Ari/Fréttablaðið

Ekki missa af Helstu tíðindum dagsins í pósthólfið þitt

Lesa nánar

Frá 2015 til 2019 varð Guðbjörg Gígja Kristjánsdóttir fyrir kynferðislegri áreitni að hennar sögn. Hún starfaði þá hjá Hafnarfjarðarbæ og var það annar starfsmaður sveitarfélagsins sem áreitti hana. Hún segir að viðbrögð bæjarins hafi verið þveröfug miðað við það sem ætla mátti.

Fréttablaðið skýrir frá þessu í dag. Guðbjörg, sem er 75 ára, segir að þegar hún hafi hreyft við málinu hafi bærinn þaggað það niður og hún hafi ekki fengið neinn stuðning úr þeirri átt. Þess í stað hafi verið gripið til ráðstafana sem urðu til þess að hún missti vinnuna. Hinn meinti gerandi starfi enn hjá bænum.

„Hann var hálfgerður yfirmaður minn á þessum tíma, þessi maður. Ég sá um matinn og hann fór að koma inn í eldhús, reyndi að kyssa mig og faðma. Maður gat sloppið fyrst en hann varð svo ágengari, reyndi að sitja um mig og náði mér svo á sitt band. Hann náði tökum á mér, hann vissi alltaf hvaða takka hann ætti að ýta á,“ hefur Fréttablaðið eftir Guðbjörgu.

Hún sagði mikla vanlíðan hafa einkennt þetta tímabil, hún hafi fengið mikið magn óumbeðins myndefnis, typpamyndir og annað sem gekk nærri henni. „Ég slapp svo út úr þessu og hann sneri sér annað, en þá sat ég eftir með alla vanlíðanina. Ég leitaði til Stígamóta, sagði konu á vinnustaðnum frá og ákvað að klaga manninn. Þá tók þáverandi bæjarlögmaður skýrslu. Hún sagðist ætla að vinna málið áfram, en gerði það ekki. Þá kærði ég málið til lögreglu,“ sagði hún.

Lögreglan hætti rannsókn á málinu fyrir skömmu og segir að orð standi gegn orði í því. Guðbjörg hafði eytt kynferðislegu myndunum úr síma sínum og því lítið um sönnunargögn í málinu.

Nánar er hægt að lesa um málið í Fréttablaðinu í dag.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 11 klukkutímum

Geðvernd og SÍBS áfram í pattstöðu út af Reykjalundi – Rúmlega hálfrar aldar gamall samningur ódrepandi enn þann dag í dag

Geðvernd og SÍBS áfram í pattstöðu út af Reykjalundi – Rúmlega hálfrar aldar gamall samningur ódrepandi enn þann dag í dag
Fréttir
Fyrir 13 klukkutímum

Sýður upp úr hjá Sósíalistum: Segist hafa upplifað útskúfun fyrir að segja sannleikann „um ofríki, andlegt ofbeldi og trúnaðarbrot Gunnars Smára“

Sýður upp úr hjá Sósíalistum: Segist hafa upplifað útskúfun fyrir að segja sannleikann „um ofríki, andlegt ofbeldi og trúnaðarbrot Gunnars Smára“
Fréttir
Fyrir 13 klukkutímum

Manndrápsmálið: Gæsluvarðhalds krafist – Búið að leiða einn fyrir dómara

Manndrápsmálið: Gæsluvarðhalds krafist – Búið að leiða einn fyrir dómara
Fréttir
Fyrir 19 klukkutímum

Manndrápsmálið: Þrír lausir úr haldi lögreglu

Manndrápsmálið: Þrír lausir úr haldi lögreglu
Fréttir
Fyrir 19 klukkutímum

Íslendingar steinhissa á Trump: „Þetta á eftir að enda með einhverjum ferlegum ósköpum“

Íslendingar steinhissa á Trump: „Þetta á eftir að enda með einhverjum ferlegum ósköpum“
Fréttir
Í gær

Jóhanna og Steinunn misstu syni sína unga – Hvernig er hægt að lifa með brostið hjarta?

Jóhanna og Steinunn misstu syni sína unga – Hvernig er hægt að lifa með brostið hjarta?
Fréttir
Í gær

Manndrápsmálið: Sjötti handtekinn eftir eftirför – Konu leitað

Manndrápsmálið: Sjötti handtekinn eftir eftirför – Konu leitað
Fréttir
Í gær

Fimm aðilar í haldi lögreglu vegna andláts manns

Fimm aðilar í haldi lögreglu vegna andláts manns
Fréttir
Í gær

Nauðsynlegt að koma á eðlilegri samskiptum við Rússland þó að samskiptin verði ekki góð lengi

Nauðsynlegt að koma á eðlilegri samskiptum við Rússland þó að samskiptin verði ekki góð lengi