Vegna andláts Elísabetar II Englandsdrottningar hefur öllum leikjum í ensku úrvaldsdeildinni verið frestað. Í tilkynningu frá Íslenskri Getspá segir að vegna þessa hafi verið tekin ákvörðun um að búa til nýjan getraunaseðil fyrir laugardaginn og fella seðilinn með enskum leikjum úr gildi.

Í tilkynningu segir:

Vegna andláts Englandsdrottningar hefur öllum leikjum í ensku úrvalsdeildinni verið frestað. Því hefur verið ákveðið að búa til nýjan getraunaseðil fyrir laugardaginn og fella getraunaseðilinn með ensku leikjunum úr gildi.

Þeir tipparar sem tippuðu fyrr í vikunni á seðilinn sem felldur hefur verið úr gildi, fá ágiskun sína endurgreidda á spilareikning sinn og þeir sem hafa keypt getraunaseðil á sölustöðum fyrr í vikunni, fá hann endurgreiddan í næstu viku, á sölustað eða hjá Íslenskum getraunum, Engjavegi 6.