fbpx
Fimmtudagur 03.apríl 2025
Fréttir

Kínverjar eru að verða vatnslausir – Getur hafa alvarlegar afleiðingar fyrir heimsbyggðina

Kristján Kristjánsson
Sunnudaginn 4. september 2022 18:00

Mynd úr safni. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Miklir þurrkar herja nú á Kína, þeir mestu sem nokkru sinni hafa verið skráðir. Sérfræðingar telja að þetta geti haft miklar afleiðingar fyrir heimsbyggðina á næstu árum.

Skýrt er frá þessu í Foreign Affairs í grein eftir Gabriel Collins og Gopal Reddy. Fram kemur að hugsanlegur uppskerubrestur geti valdið miklum hörmungum. Hann getur orðið til þess að kínversk ríkisfyrirtæki byrji að ryksuga heimsmarkaðinn og kaupi hveiti, maís og hrísgrjón í miklu magni. Þeir segja að ef uppskeran í Kína verði 33% minni en í venjulegu árferði muni Kínverjar kaupa 20% af allri maísuppskeru heimsins og 13% af allri hveitiuppskeru.

Ef þetta gerist mun það hafa mikil áhrif á matvælaverð sem mun hækka enn frekar. Það mun koma fram í ríku löndunum en áhrifin verða mest í fátæku löndunum og getur í raun orðið spurning um líf eða dauða fyrir íbúa þeirra.

Frá því í júní hefur verið óvenjulega hlýtt í stórum hluta Kína og því hafa landsmenn notað loftkælingar ótæpilega. Það eykur að sjálfsögðu rafmagnsnotkunina sem í bland við þurrka veldur því að mörg vatnsorkuver geta ekki lengur framleitt nóg rafmagn. Skortur er á rafmagni á þeim svæðum sem verst hafa orðið úti. Til dæmis fær Sichuan-héraðið 80% af raforku sinni frá vatnsorkuverum. Héraðið er mikilvægt iðnaðarhérað. Toyota og Volkswagen hafa neyðst til að loka verksmiðjum sínum þar vegna ástandsins.

Hinn mikli hiti og þurrkar í Kína eru afleiðing loftslagsbreytinganna og þess vegna er það ákveðin þversögn að ástandið í Kína getur hægt á orkuskiptunum, skiptum yfir í græna orku. Ástæðan er að Kínverjar framleiða 75% af sólarsellum heimsins og 75% af liþíumrafhlöðum heimsins en þau eru meðal annars notuð í rafmagnsbíla.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 14 klukkutímum

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“
Fréttir
Fyrir 14 klukkutímum

Mótmæla frumvarpi um rekstur líkhúsa – Sé ekkert annað en skattlagning á dánarbú

Mótmæla frumvarpi um rekstur líkhúsa – Sé ekkert annað en skattlagning á dánarbú
Fréttir
Fyrir 17 klukkutímum

Fá ekki greitt fyrir óunna yfirvinnu úr þrotabúi Skagans 3X

Fá ekki greitt fyrir óunna yfirvinnu úr þrotabúi Skagans 3X
Fréttir
Fyrir 18 klukkutímum

Fordæma seinagang mennta- og barnamálaráðuneytisins

Fordæma seinagang mennta- og barnamálaráðuneytisins
Fréttir
Fyrir 22 klukkutímum

Páll telur að enn eigi mikið eftir að gerast

Páll telur að enn eigi mikið eftir að gerast
Fréttir
Fyrir 22 klukkutímum

Evrópskir hermenn eiga að tryggja að Rússar ráðist ekki á ný á Úkraínu

Evrópskir hermenn eiga að tryggja að Rússar ráðist ekki á ný á Úkraínu