Þetta kemur fram í stöðuskýrslu breska varnarmálaráðuneytisins, um stöðu stríðsins, frá í gær. Einnig kemur fram að það sé mat ráðuneytisins að Rússar hafi misst „tugi þúsunda hermanna“ á þeim rúmu sex mánuðum sem stríðið hefur staðið yfir og að þeir eigi í erfiðleikum með að fylla upp í skarð þeirra. Meðal ástæðna fyrir því er að þeir sem gegna herskyldu eru ekki skyldugir til að gegna henni utan Rússlands.
Latest Defence Intelligence update on the situation in Ukraine – 28 August 2022
Find out more about the UK government's response: https://t.co/WfWw8IS4aT
🇺🇦 #StandWithUkraine 🇺🇦 pic.twitter.com/Y9UN7RpEbL
— Ministry of Defence 🇬🇧 (@DefenceHQ) August 28, 2022
Rússar halda tölum um mannfall leyndum en Úkraínumenn skýra daglega frá áætluðu mannfalli rússneska hersins. í síðustu tilkynningu frá þeim kemur fram að þeir hafi fellt 46.500 rússneska hermenn. Ekki er hægt að staðfesta þessa tölu sem er mun hærri en þær tölur sem vestrænar leyniþjónustustofnanir og hernaðaryfirvöld setja fram.
Samkvæmt tölum frá bandarískum sérfræðingum þá hafa allt að 80.000 rússneskir hermenn verið gerðir óbardagafærir frá upphafi stríðsins og eru bæði fallnir og særðir hermenn inni í þessari tölu.
