Þrátt fyrir að áhrifavaldar landsins sýni reglulega frá lífsstíl sínum sem einkennist oft af glimmer og glamúr þá eru þeir ekki allir á dúndurlaunum. Um 40%  þeirra sem eru á áhrifavaldatekjulista DV í ár voru undir lágmarkslaunum á árinu 2021.

Það er LXS-dívan Ína María Einarsdóttir sem er með lægstu launin á listanum en hún var einungis með 72 þúsund á mánuði miðað við greitt útsvar hennar á árinu. Til samanburðar var Birgitta Líf Björnsdóttir, LXS-systir hennar og framkvæmdastjóri, með rúmlega 1,2 milljónir á mánuði en hún var í þriðja sæti listans.

Sjá einnig: Tekjudagar DV: Þetta eru LXS-dívurnar með í laun – Ein með 72 þúsund á mánuði en önnur með yfir milljón

Í öðru sætinu situr Þorsteinn V. Einarsson en laun hans vöktu töluverða athygli þegar greint var frá þeim í síðustu viku. Þorsteinn var með rúmlega 1,3 milljónir í laun á mánuði miðað við greitt útsvar hans á árinu en Þorsteinn segir að í raun hafi hann ekki fengið svo há laun. „Þetta hljómar eins og lygasaga, en ástæða þess að launin eru sögð mun hærri en þau eru í raun er vegna þess að endurskoðandinn gleymdi að skila skattframtalinu mínu,“ sagði Þorsteinn í færslu á Facebook-síðu sinni vegna málsins.

Sjá einnig: Þorsteinn segist ekki vera með 1,3 milljónir á mánuði – „Þetta hljómar eins og lygasaga“

Alls eru 8 á listanum með yfir milljón á mánuði en auk Birgittu og Þorsteins eru það eftirfarandi: Kristján Einar Sigurbjörnsson, Ása Steinarsdóttir, Sólborg Guðbrandsdórttir, Guðmundur Birkir Pálmason, eða Gummi Kíró eins og hann er gjarnan kallaður, Eva Ruza Miljevic og Heiðar Logi Elíasson. Launahæstu áhrifavaldarnir eiga það allir sameiginlegt að starfa við eitthvað annað en áhrifavaldastúss.

Hægt er að sjá listann í heild sinni hér fyrir neðan: