Kórónuveirufaraldurinn hafði mikil áhrif á á ferðaþjónustuna og veitingageirann á síðasta ári.  En þrátt fyrir að faraldurinn hafi ennþá verið í fullum gangi þá voru launatékkarnir hjá toppunum í ferðaþjónustunni ekki af verri endanum á árinu.

Það komst þó engin með tærnar þar sem Grímur Sæmundsen, forstjóri Bláa lónsins, hefur hælana en hann trónir á toppi listans yfir þá sem hafa hæst launin í ferðaþjónustunni. Grímur var með rétt rúmar 6,5 milljónir í mánaðarlaun. Rétt er að geta þess að Grímur er umsvifamikill í viðskiptalífinu og því eru laun hans ekki eingöngu fyrir setuna í forstjórastól helstu perlu íslenskrar ferðaþjónustu. Næsti maður á eftir honum í úttekt eftir honum, Steinþór Jónsson, hótelstjóri í Keflavík og formaður FÍB, var tæpum fjórum milljónum á eftir honum. Rétt er að geta þess að

Hér má sjá lista yfir kaun 100 einstaklinga í ferðaþjónustunni

Steinþór var með rúmlega 2,5 milljónir á mánuði á árinu en þau Sigrún Björk, hótelstjóri og stjórnarformaður Landsnets, og Þráinn Vigfússon, framkvæmdastjóri Vita, fylgja honum fast á eftir, hvort um sig með rúmlega 2,3 milljónir á mánuði. Friðrik Pálsson, hótelstjóri á Hótel Rangá, er síðan í fimmta sæti listans með rétt rúmar 2 milljónir á mánuði.

Rétt er að geta þess að um mánaðarlaun einstaklinga er að ræða, sem reiknaðar eru út frá útsvari, en einnig geta umræddir einstaklingar verið með aðrar tekjur, til dæmis fjármagnstekjur, sem ekki eru inn í þessum tölum.