Tónlistarkonan Björk Guðmundsdóttir er í stóru viðtali við breska miðilinn The Guardian í tilefni af útgáfu nýjustu plötu hennar Fossora, sem er tíunda sólaplata listakonunnar dáðu. Í viðtalinu er farið um víðan völl og meðal annars hvernig hún nýtti tímann hérlendis í Covid-faraldrinum.

Þá er sérstaklega fjallað um samband Bjarkar við móður sína, Hildi Rúnu Hauksdóttur, sem lést árið 2018 eftir erfið veikindi. Hildur Rúna var ötull náttúruverndarsinni og fór meðal annars í 23 daga hungurverkfall árið 2002 til að mótmæla fyrirætlunum Alocoa um að byggja álver á Austurlandi.

Baráttuþrek Hildar Rúnu fyrir náttúrunni hafði eðlilega mikil áhrif á Björk sem ætíð hefur látið sig náttúruvernd miklu varða.

Í viðtalinu er vikið að samstarfi Bjarkar við baráttustúlkuna Gretu Thunberg en á tónleikaferðalagi Bjarkar um heiminn árið 2019 hófust allir tónleikarnir á kröftugum myndskilaboðum frá sænsku baráttustúlkunni.

Upplýsir Björk þá að til stóð að hún og Greta myndu taka höndum saman með Katrínu Jakobsdóttur, forsætisráðherra, og lýsa yfir neyðarástandi í loftslagsmálum í þeirri von að það myndi stuðla að breytingum. Þegar á reyndi hafi hins vegar Katrín hætt við.

„Ég treysti hennilega eiginlega, kannski af því að hún var kona. En svo hélt hún ræðu þar sem hún sagðist ekkert um þetta. Hún minntist ekki einu sinni á þetta. Og ég varð alveg fokreið,“ segir Björk í viðtalinu enda hafi verkefnið verið lengi í undirbúningi.

„Ég vildi gjarnan styðja hana. Það er erfitt að vera kvenkyns forsætisráðherra – allir sveitadurgarnir [e. rednecks] liggja á henni. En hún hefur ekki gert neitt fyrir umhverfið.“

A few years ago, she might have kept quiet and held the line. Now, her disappointment has spilled over into exasperation – and perhaps a touch of activist burnout. She says: “I wanted to be backing her up. It’s hard to be a female prime minister; she’s got all the rednecks on her back. But she hasn’t done anything for the environment.”

Hér má lesa viðtalið við Björk í The Guardian