Þetta kemur fram í viðtali The Wall Street Journal við hann. Þar segir Kissinger, sem er orðinn 99 ára, að bandarískir stjórnmálamenn eigi í erfiðleikum með að marka stefnu sína í hinu pólitíska andrúmslofti samtímans. Hann segist telja að þetta eigi sinn þátt í að vaxandi spenna er á alþjóðavettvangi.
„Við erum á barmi stríðs gegn Rússlandi og Kína vegna mála sem við bjuggum til að hluta,“ segir hann í viðtalinu og bætti við að það eina sem sé hægt að gera sé að auka ekki á þessa spennu og opna á möguleika til lausnar.
Hann hvetur til Joe Biden og stjórn hans til að halda diplómatískri stöðu Taívan óbreyttri þrátt fyrir kröfur úr báðum flokkum um að harðari stefna verði tekin upp gegn kommúnistastjórninni í Peking. Þetta sagði hann í ljós nýlegrar heimsóknar Nancy Pelosi, leiðtoga fulltrúadeildarinnar, til Taívan en hún fór vægast sagt illa í kínverska ráðamenn.
Kissinger sagði að sú stefna sem báðir flokkar hafa markað og fylgt síðustu 50 árin hvað varðar Taívan hafi orðið til þess að Taívan hafi þróast yfir í sjálfstætt lýðræðisríki en um leið viðhaldið friði á milli Bandaríkjanna og Kína. „Þess vegna ætti að fara mjög varlega hvað varðar aðgerðir sem virðast breyta þessum grundvallaratriðum,“ segir hann einnig í viðtalinu.
