Á hádegi í dag mældist jarðskjálfti 4,2 að stærð um 3,5 km vestur af Kleifarvatni. Þetta kemur fram í tilkynningu frá Veðurstofunni.
Fjöldi eftirskjálfta fylgdu í kjölfarið og þó nokkrir hafa mælist yfir þremur að stærð. Skjálftinn fannst víða á höfuðborgarsvæðinu og á Reykjanesi. Þá hafa hafa um 1.200 skjálftar mælst síðan á miðnætti, en í heildina hafa mælst rúmir 10.000 skjálftar frá því að yfirstandandi skjálftahrina byrjaði þann 30. júlí.
