Mjög snarpur jarðskjálfti varð rétt í þessu sem fannst vel á höfuðborgarsvæðinu. Mörgum android-notendum brá líklega í brún þar sem viðvaranir komu upp á síma um að skjálfti stærri en 5,5 hafi átt sér stað og hvernig sé best að bregðast við.
DV heyrði frá fólki sem dvelur í sumarbústað við Apavatn að skjálftinn hafi fundist vel þar líka.
Eins og sést tók fólk eftir því að viðvörun kom upp á síma þeirra á meðan skjálftinn stóð yfir eða jafnvel nokkrum sekúndum á undan hristingnum. Virðist þetta helst eiga við um android notendur þar sem um kerfi sem heitir Android Earthquake Alerts System er að ræða.
Samkvæmt Veðurstofunni var skjálftinn 5,2 að stærð og átti upptök sín 5,2 km suðvestur af Fagradalsfjalli.
Á sömu mínútunni áttu sér stað þrír skjálftar stærri en 3. Sá fyrsti var 4,7 að stærð og átti upptök sín 5,2 km vestur af Straumsvík. Sá næsti var 25 sekúndum seinna og var 3,7 að stærð með upptök 3,3 km frá Hveravöllum og svo þessi stóri sem áður hefur verið greint frá. Allir þrír voru á 1,1 km dýpi samkvæmt fyrstu upplýsingum frá Veðurstofu, en ekki er búið að yfirfara mælinguna.
Earthquake season in Iceland and I got this notification right away. Fancy. pic.twitter.com/zfQJ0uDxWf
— Ásta Helgadóttir 🌻 (@asta_fish) July 31, 2022
Já, fann þennan vel Kársnesinu. Og þetta kom upp á símann nánast um leið! pic.twitter.com/l45iX9iJRI
— Ásdís (@asdiso) July 31, 2022
Þetta er nýtt
Kom nánast um leið og skjálftinn pic.twitter.com/ORuV1x7PZI— siggi mús (@siggimus) July 31, 2022
Ókei þetta er nýtt. Birtist í símanum nákvæmlega sama tíma og ég fann fyrir skjálftanum. pic.twitter.com/gfqkwctynu
— Halldór Auðar Svansson 🇮🇸 🤝 🇺🇦 (@tharfagreinir) July 31, 2022
